Korporativ moliyaviy hisobotga koʻra, Anorbank 2025 yilning birinchi choragini 117 milliard soʻm sof foyda bilan yakunladi. Bu koʻrsatkich oʻtgan yilning shu davridagi natijalarga nisbatan 958,8 foizga yoki 10,6 barobarga koʻproqdir.

Bankning jami aktivlari hozirda 11,9 trillion soʻmni tashkil etmoqda. Bu yil boshidan buyon qariyb 1,8 trillion soʻmga oʻsganini bildiradi. Shu bilan birga, Anorbankning majburiyatlari ham ortib, 10,7 trillion soʻmga yetgan.

Moliyaviy natijalarga koʻra, bank hisobot davrida jami 672,5 milliard soʻmlik foizli daromad olgan. Sof foizli daromad esa 140,2 milliard soʻmni tashkil qilgan. Bu oʻtgan yilning mos davriga nisbatan 418,7 milliard soʻmga koʻproqdir.

Bundan tashqari, Anorbank foizsiz daromadlari hisobidan 166,2 milliard soʻm ishlab topgan. Bu segmentda 15,5 foizlik oʻsish qayd etilgan.

Operativ xarajatlarga toʻxtaladigan boʻlsak, bank xodimlarining oylik maoshlariga 57,4 milliard soʻm sarflagan. Shuningdek, 13,5 milliard soʻm miqdorida daromad soligʻi toʻlangan.

Anorbank birinchi chorakdagi sof foydasi 10 barobardan koʻproqqa ortdi