17 yanvar kuni Istiqbolli loyihalar milliy agentligi (ILMA) dunyoning eng yirik kripto-birjalaridan biri boʻlgan Binance bilan hamkorlikda Oʻzbekiston Respublikasi hududida foydalanuvchilarga xizmat koʻrsatish masalasini hal qilgandi.

Bu hamkorlik doirasida Binance platformasi oʻz xizmatlarini Coinpay orqali taqdim etishga kelishib olindi. Integratsiya ishlari muvaffaqiyatli yakunlangandan soʻng, Coinpay rasmiy saytida Binance boʻyicha maxsus boʻlim — coinpay.uz/binance ishga tushirildi.

Endi foydalanuvchilar kripto-aktivlar bilan operatsiyalarni xavfsiz va qulay tarzda amalga oshirishi, milliy valyutada bank kartalari va milliy toʻlov tizimlari orqali mablagʻ kiritish va chiqarishi mumkin.

Eslatma oʻrnida shuni aytib oʻtish kerakki, Oʻzbekiston fuqarolari Binance platformasiga faqat coinpay.uz/binance saytida koʻrsatilgan havola orqali kirishi mumkin. Mablagʻ kiritish va chiqarish jarayonlari faqat bank kartalari yoki milliy toʻlov tizimlari orqali, milliy valyutada amalga oshiriladi.

Platformada toʻgʻridan-toʻgʻri, koʻrsatilgan havolalarsiz kirib amalga oshirilgan barcha P2P oʻtkazmalar kripto-aktivlar aylanishi boʻyicha qonun talablarini buzish hisoblanadi va qonunga muvofiq javobgarlikni keltirib chiqaradi.

Mavzuga doir: Bitcoin’ning 2025 yilgi narxi haqida tahlilchilar qanday prognozlarni ilgari surmoqda?

Bitcoin narxi ilk marotaba $110 000 dan oshdi

Bitcoin narxi $100 000 dan yuqoriga chiqdi

Binance Oʻzbekistonda rasman ish boshladi