2025 yilning yanvar–oktabr oylarida aholi tijorat banklariga 17,4 mlrd dollar miqdorida xorijiy valyuta sotdi. Bu koʻrsatkich oʻtgan yilning mos davriga nisbatan 4,2 mlrd dollarga yoki 30 foizga koʻp. Shu bilan birga, jismoniy shaxslar tomonidan 9,6 mlrd dollar xorijiy valyuta xarid qilindi.

Mazkur davrda Oʻzbekistonda xorijiy valyutaga boʻlgan umumiy talab 48,4 mlrd dollarni tashkil etdi. Valyuta taklifi esa 41,2 mlrd dollar boʻlib, talab oʻtgan yilning shu davriga nisbatan 24 foizga, taklif esa 26 foizga oshdi.

Yuridik shaxslar boʻyicha koʻrsatkichlar

Yuridik shaxslar tomonidan xorijiy valyutaga boʻlgan talab yilda 24 foizga oshdi, valyuta taklifi esa 38 foizga koʻpaydi. Eksport tushumlari hisobidan shakllangan valyuta taklifi 18 foizga oʻsib, 14,5 mlrd dollarni tashkil etdi. Ushbu eksport tushumlarining 8,1 mlrd dollari yoki 56 foizi ichki valyuta bozorida sotilgan. Bu bir yil avvalgiga nisbatan 6,6 mlrd dollarga yoki 23 foizga koʻp.

Shuningdek, ichki valyuta bozoriga banklar tomonidan xorijiy kreditlar hisobidan 7,3 mlrd dollarlik mablagʻlar chiqarildi. Yanvar–oktabr oylarida importni moliyalashtirish manbalari tarkibida ichki bozordan sotib olingan valyuta ulushi 64,8 foizni tashkil etdi.

Yuridik shaxslar tomonidan xarid qilingan xorijiy valyutaning taqsimoti quyidagicha shakllandi:

51 foizi — ishlab chiqarish uchun asbob-uskunalar, tovarlar va xomashyo importi;
27 foizi — xorijiy valyutadagi kreditlarni soʻndirish;
17 foizi — xalq isteʼmoli tovarlari va dori-darmon mahsulotlari importi;
2 foizi — xorijiy investorlar daromadlarining repatriatsiyasi;
3 foizi — boshqa maqsadlar.

Jismoniy shaxslar boʻyicha koʻrsatkichlar

Aholi tomonidan tijorat banklariga sotilgan valyuta hajmi 17,4 mlrd dollar boʻlib, bir yilda 4,2 mlrd dollarga (30 foiz) oshdi. Shu bilan birga, jismoniy shaxslar 9,6 mlrd dollarlik valyuta sotib oldi — bu oʻtgan yilga nisbatan 1,9 mlrd dollarga (24 foiz) koʻp.

Jismoniy shaxslarning valyuta taklifi ularning talabidan 7,8 mlrd dollarga yuqori boʻldi. Bu koʻrsatkich oʻtgan yilning mos davriga nisbatan qariyb 1,4 baravarga

oshganini anglatadi.

Jismoniy shaxslar valyuta taklifi talabdan 7,8 mlrd dollarga oshdi