7 soat avval
Dollar rasmiy kursi sezilarli darajada pasaydi
20 maydan boshlab amalda boʻladigan AQSh dollarining oʻzbek soʻmiga nisbatan qiymati 58,95 soʻmga pasaydi.
Foto: AI / Pinkod.uz
Oʻzbekiston Markaziy banki 2025 yil 20 maydan boshlab kuchga kiradigan xorijiy valyutalarning soʻmga nisbatan yangi rasmiy kurslarini eʼlon qildi. Unga koʻra, AQSh dollarining kursi 58,95 soʻmga pasayib, 12 858,15 soʻmni tashkil etdi.
Yangi kurslarga koʻra:
- AQSh dollari – 12 858,15 soʻm (-58,95)
- Yevro – 14 505,25 soʻm (+44,59)
- Rossiya rubli – 159,71 soʻm (-0,43)
- Funt sterling – 17 226,06 soʻm (+56,65)
Maʼlumot uchun, 19 may kuni amal qiladigan dollar kursi ham -48,24 soʻmga arzonlab, 12 917,10 soʻmga tushgan edi.
Avvalroq, S&P Global Ratings xalqaro agentligi dollar kursi 2025 yil 13 650 soʻmgacha chiqishini taxmin qilgan edi. Unga koʻra, dollar kursining oʻzbek soʻmiga nisbatan qiymati 2026 yilda 14,300 soʻmga, 2027 yilda esa 15,000 soʻmga yetishi mumkin.
