HUMO’га яқинда тайинланган Александр Сотников лавозимидан кетди
Александр Сотников HUMO бошқарувига тайинланганидан 44 кун ўтиб компаниядаги лавозимини тарк этди. Унинг кетиш сабаби очиқланмаган.
HUMO тўлов тизими оператори — “Миллий банклараро процессинг маркази” АЖ бошқарув раисининг биринчи ўринбосари Александр Сотниковнинг ваколатлари муддатидан олдин тугатилди.
Тегишли қарор компания кузатув кенгаши томонидан 1 июль куни қабул қилинган. Очиқланган ҳужжатда Сотниковнинг лавозимдан кетишига нима сабаб бўлгани кўрсатилмаган.
Александр Сотников HUMO бошқарувига жорий йилнинг 18 май куни тайинланган эди. Ўшанда у компания бошқарув раисининг ўринбосари лавозимини эгаллаганди. Шундай қилиб, Сотников ҲУМЎда қарийб бир ярим ой фаолият юритган.
Айни қарор билан Рустам Каримов компания ижро органи таркибига киритилди. У HUMO’да бизнес блокнинг бошқарувчи директори лавозимида фаолият юритади.
Сотников HUMO’га келишидан аввал Беларусдаги Банк процессинг марказини бошқарган. Бундан ташқари, у БЕЛКАРТ тўлов тизими, Беларус Миллий банки ва “Белагропромбанк”да раҳбарлик лавозимларида ишлаган.
Аввалроқ Pinkod белоруссиялик банкирлар Ўзбекистон банк ва финтех тизимида раҳбарлик лавозимларни эгаллаётганига эътибор қаратган эди.
