08-sentabr, 12:02
Oʻzbekistonda oltin quymalari narxi sezilarli darajada oshdi
Joriy yil boshidan berib oltin narxi 44 foizga qimmatlab, global miqyosda ham barqaror oʻsish tendensiyasini namoyon etmoqda.
Foto: AI / Pinkod.uz
Oʻzbekiston va jahon bozorida oltin narxi keskin oshdi. Markaziy bank maʼlumotiga koʻra, muomalaga chiqarilgan oltin quymalari qiymati ham yuqoriladi.
8 sentabr holatiga koʻra, bir gramm oltin quyma 1 mln 480 ming soʻmdan sotilmoqda. Quymalar narxi quyidagicha belgilangan:
- 5 gramm — 7 mln 402 ming soʻm
- 10 gramm — 14 mln 804 ming soʻm
- 25 gramm — 29 mln 609 ming soʻm
- 50 gramm — 74 mln 22 ming soʻm
- 100 gramm — 148 mln 45 ming soʻm
Jahon bozorida esa 6 sentabr kuni oltin narxi tarixda ilk bor bir unsiya uchun 3 600 dollarga yetdi.
Shu tariqa, joriy yil boshidan beri oltin 44 foizga qimmatlab, global miqyosda ham barqaror oʻsish tendensiyasini namoyon etmoqda.
