5 grammlik oltin quyma narxi ilk marotaba 6,5 mln soʻmdan oshdi
Jahon bozorida esa oltin narxi troya unsiya uchun $3 100 ga yaqinlashdi.
Oʻzbekistonda oltin quymalari yana bir rekord oʻrnatdi. Markaziy bank maʼlumotiga koʻra, ayni paytda 1 gramm oltin quyma 1 306 600 soʻmga baholanmoqda.
5 grammlik oltin quyma narxi esa 6 mln 533 ming soʻmdan sotilmoqda.
Toʻliq narxlar:
- 5gr — 6 mln 533 ming soʻm
- 10 gr — 13 mln 66 ming soʻm
- 20 gr — 26 mln 133 ming soʻm
- 50 gr — 65 mln 332 ming soʻm
- 100 gr — 130 mln 665 ming soʻm
Oʻzbekistonda Markaziy bank tomonidan 999,9 soflikdagi oltindan 5, 10, 20, 50 va 100 grammli quymalar sotuvga chiqarilgan va quymalar narxini regulyator har kuni yangilab boradi.
Oltin quymalarini banklardan sotib olish imkoniyati mavjud. Banklarning manzillari va batafsil maʼlumotlarni Markaziy bank rasmiy saytidan topish mumkin.
Jahon bozorida esa oltin narxi $3 100 ga yaqinlashdi. Ayni paytda u $3 085 atrofida savdo qilinmoqda.
Oltin narxi boʻtsicha yeng yuqori prognozni Macquarie Group taqdim etgan boʻlib, uning taxminiga koʻra, 2025 yilning uchinchi choragida oltin narxi $3,500 ga yetishi mumkin.
Shveysariyaning yetakchi investitsion banklaridan biri boʻlgan UBS esa 2025 yilda oltin $3,200 dan yuqoriga koʻtarilishi mumkinligini taʼkidlamoqda.
Mavzuga doir: Prognoz: 2025 yilda oltin narxi qanchagacha koʻtarilishi mumkin?
