Uzum bank 2025 йилнинг биринчи чорагига оид молиявий натижаларни эълон қилди. Унга кўра, банк йилнинг дастлабки уч ойини 37,8 миллиард сўм соф фойда билан якунлаган.

Банкнинг жами активлари 1 апрель ҳолатига кўра 1,2 триллион сўмни ташкил қилмоқда. Бу кўрсаткич ҳисобот даври бошидан бери 375 миллиард сўмга ошган.

Фоизли даромадлар 12,5 миллиард сўмни ташкил этган бўлса, соф фоизли даромад 7 миллиард сўмни ташкил қилди. Фоизсиз даромадлар эса 256,2 миллиард сўмга етди.

Барча харажатлар чегириб ташланганда, Uzum bank соф фойдаси 37,8 млрд сўмни ташкил қилди. Бу ўтган йилнинг мос даври билан солиштирганда 361,6 фоизга кўпроқдир. 2024 йилнинг биринчи чорагида банк 8,2 миллиард сўм соф фойда кўрсатган эди.

Шунингдек, 1 апрель ҳолатига кўра, банкнинг жами кредит портфели 128 миллиард сўмни ташкил қилган. Қизиғи шундаки, банк портфелида муаммоли кредитлар (НПЛ) қайд этилмаган.

Биринчи чорак якуни бўйича Uzum bank соф фойдаси 361,6 фоизга кўпайди