АҚШда давлат криптовалюта захираси яратилади — Доналд Трамп

Якшанба куни АҚШ президенти Доналд Трамп АҚШ крипто стратегик захирасини яратиш режасини эълон қилганидан сўнг криптовалюта нархлари кескин ошди. Унга кўра, ушбу захира таркибига Bitcoin ва Ethereum, шунингдек, учта кичикроқ ва хавфлироқ токен ҳам киритилади.

Трамп ўзининг Truth Social платформасида: 

"АҚШ дунёнинг крипто пойтахтига айланади. Крипто Стратегик Захираси бизнинг рақамли молия соҳасидаги етакчилигимизни таъминлайди", – деб ёзди.

Ҳукуматнинг рақамли активларни қўллаб-қувватлаши эҳтимоли инвесторларнинг ижобий муносабатига сабаб бўлди. Асосий крипто валюталар сезиларли даражада қимматлашди:

• Bitcoin (BTC): $92,937 (+8.1%) 
  Максимал нарх: $94,994 | Эълондан олдинги нарх: $84,996
• Ethereum (ETH): $2,434.53 (+9.4%) 
  Максимал нарх: $2,545.51 | Эълондан олдинги нарх: $2,181.74
• ХRP (XRP): $2.79 (+23.4%) 
  Максимал нарх: $2.96 | Эълондан олдинги нарх: $2.22
• Cardano (ADA): $1.047 (+58.2%) 
  Максимал нарх: $1.14 | Эълондан олдинги нарх: $0.6459
• Solana (SOL): $168.66 (+17.7%) 
  Максимал нарх: $178.83 | Эълондан олдинги нарх: $140.1

Трампнинг сўзларига кўра, Крипто стратегик захирасида Bitcoin ва Ethereum асосий валюталар бўлиб хизмат қилади, XRP, Cardano ва Solana эса муҳим таркибий қисмлар сифатида киритилади. Шунингдек, унинг расмий $TRUMP токени эълон ортидан 34 фоизга ошди.

Аввалроқ, $TRUMP мемкоини билан боғлиқ жанжаллар юзага келган эди. 800 000 дан ортиқ фойдаланувчи ушбу токен ортидан $2 млрд зарар кўргани, Трампга тегишли компаниялар эса транзаксия тўловлари орқали $100 млн фойда олгани ҳақида хабарлар тарқалган эди.

25 февраль куни крипто бозори пасайиш қайд этилиб, Bitcoin нархи ноябрь ойидан бери илк марта 90 минг доллардан пастга тушиб кетди, Ethereum ва Solana ҳам кескин қулашга учради. Бунга технологик акциялар ва криптовалюталар каби таваккалли активлардан воз кечиш тенденцияси, шунингдек, икки ҳафта олдин Bybit крипто биржасида содир бўлган улкан хакерлик ҳужуми сабаб бўлди. Бироқ, Трампнинг янги эълони ортидан криптовалюталар яна ўсишни бошлади ва ҳозир ҳам ўсиш давом этмоқда.

Ҳозирча бундай захира қандай яратилиши ва унинг мамлакатга қандай фойда келтириши мумкинлиги ноаниқ.