Banknota haqiqiy yoki soxta ekanligini aniqlashning eng oson yoʻli — uni yaqin atrofdagi bankka olib borishdir. Bu usul eng oson va ishonchlisi hisoblansa-da, biroq juda noqulay. Shu sababli quyidagi usullar orqali pulning soxta yoki yoʻqligini tekshirib olish mumkin.

Har bir banknotada maxsus elementlar mavjud boʻladi. Aynan ushbu elementlar haqida maʼlumotga ega boʻlish sizga firibgarlikdan himoyalanishga yordam beradi. Demak, odatda haqiqiy pulda quyidagi elementlar mavjud boʻladi.

Suv belgisi — pulni yorugʻlikka qarshi qoʻyib koʻring, unda banknotaning dizayniga mos tushadigan belgi (masalan, portret yoki raqamlar) koʻrinadi. Suv belgisi aniq va nozik chiziqlar bilan hosil qilingan boʻladi.

Himoya ipi — banknotaning ichidan oʻtadigan yupqa metall ipni yorugʻlikka qarshi qaraganda koʻrishingiz mumkin. Baʼzi pullarda himoya ipida matn yoki raqam yozilgan boʻladi.

Koʻzga koʻrinmaydigan yozuvlar mavjudligi — banknotaning yuzasida lupa yordamida koʻrinadigan mayda matnlar boʻlishi mumkin. Bu yozuvlar haqiqiy pulda juda aniq va toza boʻladi.

Relefli yuzalar (qavariq boʻyoq) — ayrim joylarda qoʻl bilan ushlab seziladigan darajada boʻrtib chiqqan boʻladi.

Qogʻozning ichki tuzilmasida portret tasvirning orqa tomonidan mavjudligi — ushbu tasvir yorugʻlikka qarshi qaratilib tekshiriladi.

Mazkur belgilarni aniqlash orqali qalbaki pul sizning choʻntagingizga tushib qolishidan himoyalanishingiz mumkin. Agar qoʻlingizdagi pul haqiqiy ekanligiga shubhangiz boʻlsa, uni istalgan bankka borib tekshirib koʻrishni tavsiya qilamiz.

AQShda kongressmen Donald Tramp tasvirlangan $250lik kupyura ishlab chiqishni taklif qildi

Pulning haqiqiy ekanligini qanday qilib tekshirsa boʻladi?