Oʻzbekistonda oltin quymalari narxi rekord darajaga yetdi
Markaziy bank maʼlumotlariga koʻra, 1 gramm oltin quymasi narxi 1 mln 521 ming soʻmni tashkil qilmoqda. Bu koʻrsatkich quymalar bozorida navbatdagi rekorddir.
Jahon bozorida qimmatbaho metall narxining oshishi ortidan Oʻzbekistonda ham oltin quymalari qiymati yangi rekordni oʻrnatdi.
Markaziy bank maʼlumotlariga koʻra, 1 gramm oltin quymasi narxi 1 mln 521 ming soʻmni tashkil qilmoqda. Bu koʻrsatkich quymalar bozorida navbatdagi rekord sifatida qayd etildi. Yil boshidan buyon narxlar 30 foizdan ortiq oshgan.
Quymalar narxi quyidagicha belgilangan:
- 5 gramm — 7 mln 609 ming soʻm
- 10 gramm — 15 mln 219 ming soʻm
- 20 gramm — 30 mln 438 ming soʻm
- 50 gramm — 76 mln 94 ming soʻm
- 100 gramm — 152 mln 188 ming soʻm
Maʼlumot uchun, 23 sentabr kuni jahon bozorida ham oltin narxi tarixda ilk marotaba 3 750 dollardan oshib, rekord oʻrnatdi.
Avvalroq Pinkod jahon bozorida oltin narxi nega koʻtarilayotgani haqida maqola eʼlon qilgan edi.
Mutaxassislarning fikricha, narxlarning koʻtarilishiga asosan AQSh Federal rezerv tizimi (Fed) tomonidan kutilayotgan yumshoq foiz stavkalari siyosati sabab boʻlmoqda. Shu hafta bir nechta Fed rasmiylarining chiqishlari hamda muhim inflyatsiya koʻrsatkichlari eʼlon qilinishi kutilmoqda.
