Oʻzbekistonda oltin quymalari narxi bir yil ichida qariyb 38 foizga oshdi

2025 yil 2 oktabr holatiga koʻra, Oʻzbekistonda oltin quymasining bir grammi 1 mln 547 ming soʻm etib belgilandi. Shu tariqa, narx yil boshidan buyon 34-marta yangi rekord qayd etdi.

5 grammli oltin quyma 7 mln 737 ming soʻmdan sotilmoqda. Qolgan oʻlchamlardagi quymalar narxi quyidagicha:

• 5 gramm — 7 mln 737 ming soʻm
• 10 gramm — 15 mln 474 ming soʻm
• 20 gramm — 30 mln 947 ming soʻm
• 50 gramm — 77 mln 368 ming soʻm
• 100 gramm — 154 mln 736 ming soʻm

Oʻtgan yilning shu davriga nisbatan oltin narxi 37,7% ga oshgan. Masalan, 2024 yil 2 oktabrda 50 grammli oltin quyma 56,2 mln soʻm boʻlgan. Uni xarid qilgan shaxs bugun uni 77,4 mln soʻmga sotishi mumkin. Bir yillik sof foyda — 21,2 mln soʻm.

Jahon bozorida ham oltin narxi oʻsishda davom etmoqda. Hozirda qimmatbaho metall bir unsiya uchun 3 877,50 dollardan savdo qilinmoqda va 3 900 dollarlik tarixiy choʻqqiga yaqinlashmoqda.