Oʻzbekiston banklaridagi mikroqarz foiz stavkalari qanday oʻzgarmoqda?
Eng yuqori mikroqarz stavkasi TBC Bank’da qayd etilgan boʻlib, 42,3 foizni tashkil qilmoqda. Eng past koʻrsatkich esa 22,8 foiz bilan Aloqabankda boʻlib, bank sakkizinchi haftadirki eng arzon taklifni saqlab kelmoqda.
Markaziy bank haftalik maʼlumotlariga koʻra, Oʻzbekistondagi banklarning mikroqarzlar boʻyicha oʻrtacha foiz stavkalari avvalgi haftaga nisbatan biroz pasaydi.
Eng yuqori stavkalar
Banklar kesimida eng yuqori foiz stavkalari bu safar ham TBC Bank hissasiga toʻgʻri kelmoqda — 42,3%. Shuningdek, Anorbank (40,8%) va Tenge Bank (39,8%) ham yuqori koʻrsatkichlarga ega.
Undan tashqari, Davr bank (37,4%) va Ipoteka bank (36,9%)dagi stavkalar ham oʻrtachadan yuqori boʻlib turibdi.
Nisbatan past foiz stavkalari
Ketma-ket sakkizinchi haftadirki, Aloqabank mikroqarzlar boʻyicha eng past foiz stavkasini taklif qilmoqda. Bankdagi oʻrtacha stavka 22,8 foizni tashkil etmoqda. Shunga qaramay, bu koʻrsatkich oʻtgan oyning ayni shu davriga nisbatan 1,6 foizga koʻtarilgan. Shuningdek, quyidagi banklar ham nisbatan arzonroq mikroqarz bermoqda:
- NBU — 26%
- Trastbank — 26,1%
- Orient Finans Bank — 26,1%
- Infinbank — 26,6%
Boshqa banklar
Qator boshqa banklarda foiz stavkalari 27–30% oraligʻida shakllangan. Jumladan:
- Asaka Bank — 27%
- Turonbank — 27,1%
- MK Bank — 27,3%
- Agrobank — 27,6%
- BRB — 27,9%
