12 915.000 so‘m

decrease

-10.200

13 957.240 so‘m

decrease

-25.240

153.550 so‘m

increase

0.970

12 915.000 so‘m

decrease

-10.200

14-mart, 12:34
Bozor

Oltin narxi ilk bor $3 000 ga yetdi

Oʻzbekistonda sotilayotgan oltin quymalari narxi ham rekord darajaga yetdi.

Oltin narxi ilk bor $3 000 ga yetdi
Foto: AI / Pinkod.uz

Jahon bozorida oltin narxi tarixda ilk bor unsiya uchun $3 000 dan yuqoriga koʻtarildi.

Ushbu oʻsishning asosiy sababi global miqyosda davom etayotgan savdo urushlari va geosiyosiy noaniqliklar bilan bogʻliq. Bunday noaniqlik sharoitida oltin eng xavfsiz investitsiya vositalaridan biri sifatida qaraladi, bu esa uning narxining oshishiga sabab boʻlmoqda.

Oltin narxining $3 000 darajasiga yetishi 2025 yil uchun ilgari surilgan taxminlardan biridir. Jumladan, Bank of America va Goldman Sachs ekspertlari ushbu bashoratlarni eʼlon qilgan edi.

Keyinchalik Goldman Sachs bir necha bor oʻz taxminlarini yangilab, fevral oyidagi prognozida oltin narxining $3 100 ga yetishini taxmin qilgan. Citi Bank esa fevral boshida oltin narxi kelayotgan uch oy ichida $3 000 ga chiqishini bashorat qilgan edi. Ushbu prognoz oʻz tasdigʻini topdi.

Dunyo moliyaviy institutlari esa oltin narxining bundan ham yuqoriga koʻtarilishini kutmoqda. Xususan, Macquarie Group tahlilchilarining fikriga koʻra, 2025 yilning uchinchi choragida oltin narxi $3 500 ga yetishi mumkin.

Oʻzbekistonda oltin narxlari

Jahon bozoridagi oʻsish fonida Oʻzbekistonda ham oltin narxlari rekord darajaga yetdi. Markaziy bank tomonidan eʼlon qilingan maʼlumotlarga koʻra, 14 mart holatiga koʻra tijorat banklarida sotilayotgan oltin quymalarining narxlari quyidagicha belgilangan:

  • 1 gramm – 1 272 440 soʻm 
  • 5 gramm – 6 362 000 soʻm 
  • 10 gramm – 12 724 000 soʻm 
  • 20 gramm – 25 449 000 soʻm 
  • 50 gramm – 63 622 000 soʻm 
  • 100 gramm – 127 022 000 soʻm

Banklarning manzillari va batafsil maʼlumotlarni Markaziy bank rasmiy saytidan topish mumkin.

Pinkod.uz saytida e'lon qilingan materiallardan nusxa ko'chirish, tarqatish va boshqa shakllarda foydalanish faqat tahririyat yozma roziligi bilan amalga oshirilishi mumkin.

O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 15.10.2024 sanasida №440126 sonli guvohnoma bilan OAV sifatida ro‘yxatga olingan.

© 2025 Pinkod.uz.
Barcha huquqlar himoyalangan.

18+