Green Card 2026 lotereyasidan chetlatilgan mamlakatlar roʻyxati eʼlon qilindi
Bu davlatlardan soʻnggi besh yil ichida 50 mingdan ortiq fuqaro AQShga koʻchib kelgan. Shu sababli ular 2026 yilgi Green Card DV-2026 lotereyasida ishtirok etolmaydi.
AQSh Davlat departamenti fuqarolari Green Card DV-2026 lotereyasida qatnasha olmaydigan davlatlar roʻyxatini eʼlon qildi. Bu yil 18 davlat istisno roʻyxatiga kiritilgan.
Ushbu davlatlardan soʻnggi besh yil ichida 50 mingdan ortiq fuqaro AQShga koʻchib kelgan. Shu sababli ular 2026 yilgi Green Card DV-2026 lotereyasida ishtirok etolmaydi.
Ular: Bangladesh, Braziliya, Kanada, Xitoy (shu jumladan Honkong), Kolumbiya, Dominikana Respublikasi, Salvador, Haiti, Honduras, Hindiston, Yamayka, Meksika, Nigeriya, Pokiston, Filippin, Koreya Respublikasi, Venesuela, Vetnam.
Shuni taʼkidlash kerakki, Xitoy umumiy istisno qilinganiga qaramay, Makao va Tayvanda tugʻilganlar lotereyada qatnashish huquqini saqlab qoldi.
Bundan tashqari, Davlat departamenti quyidagi Green Card lotereyasini roʻyxatdan oʻtkazish sanalarini eʼlon qildi:
DV-2026 lotereyasiga roʻyxatdan oʻtish 2024 yil 2 oktabrdan 2024 yil 5 noyabrgacha boʻlib oʻtadi.
DV-2026 lotereyasi natijalari 2025 yil 3 maydan eʼlon qilinadi.
