Давлат солиқ қўмитаси 2025-йилнинг биринчи чорагида умумий овқатланиш соҳасида энг кўп солиқ тўлаган корхоналар рўйхатини эълон қилди. Ушбу давр мобайнида соҳада 19 963 та юридик шахс фаолият юритган бўлиб, уларнинг умумий товар айланмаси 4,05 трлн сўмни (тахминан 313,8 миллион АҚШ доллари) ташкил этди.

Мазкур соҳада жами 384,2 миллиард сўм миқдорида солиқ тўланган. Бу кўрсаткичнинг 73,8 миллиард сўми ёки 19,2 фоизи энг йирик 20 та солиқ тўловчи корхона ҳиссасига тўғри келган. Шу билан бирга, умумий овқатланиш соҳасидаги корхоналар томонидан 58,9 миллиард сўмлик солиқ имтиёзларидан фойдаланилган.

Энг кўп солиқ тўлаган корхоналар рўйхатида биринчи ўринни 21,93 миллиард сўмлик солиқ тўловлари билан “International Foodchain” МЧЖ (KFC) эгаллаган. Иккинчи ўринда 16,16 миллиард сўм билан “Mak Food Servis” МЧЖ (EVOS), учинчи ўринда эса 8,61 миллиард сўм билан “Oqtepa-Food-Service” (Oqtepa Lavash) жойлашган.

Шунингдек, “Ketring” МЧЖ (Uzairways’га тегишли компания), “Feedup Eco” МЧЖ , “Chef Catering” МЧЖ, “Maxway Food” МЧЖ, “Vanilla Food” МЧЖ каби йирик компаниялар ҳам етакчи солиқ тўловчилар сафидан ўрин олган.

Батафсил маълумотлар қуйидаги инфографикада келтирилган:

Top-20 корхона томонидан тўланган солиқлар таркибига назар ташлайдиган бўлсак, энг катта улуш 30,9 миллиард сўм ёки 41,9 фоиз билан қўшилган қиймат солиғига тўғри келади. Ундан кейинги ўринларда 19,4 миллиард сўм (26,3%) билан жисмоний шахслардан олинадиган даромад солиғи, 13,5 миллиард сўм (18,2%) билан фойда солиғи, 8,6 миллиард сўм (11,7%) билан ижтимоий солиқ қайд этилган. Бошқа турдаги солиқлар эса 1,4 миллиард сўм ёки 1,9 фоизни ташкил қилган.

Биринчи ярим йилликда қайси умумий овқатланиш корхонаси энг кўп солиқ тўлади?

KFC, EVOS ва Oqtepa Lavash: январь-март ойларида ким кўпроқ солиқ тўлаган?