Тошкентда ўртача таъмирланган уйлар ижараси арзонлашишда давом этмоқда
Мазкур сегментдаги хонадонлар учун ижара нархи октябрь ойидан бери сезиларли даражада арзонлаган бўлса, тўлиқ таъмирланган уйлар ижараси қимматлади.
Ижарада туриш учун Сергели ҳозирда иккала сегментда ҳам энг арзон туман бўлиб турибди. Ушбу ҳудудда ижара нархи таъмир даражаси ва ҳажмга қараб $297 дан $639 гача ўзгаради.
Макроиқтисодий ва ҳудудий тадқиқотлар институти (МҲТИ) томонидан жорий йил февраль ойидаги ижара нархлари таҳлили ўтказилди.
Пойтахтда ўртача таъмирланган хонадонлар ижара нархлари 2024 йилнинг ноябрь ойидан бери арзонлаб келаётган бўлса, тўлиқ таъмирланган 3 ва 4 хонали хонадонлар учун ўртача ижара нархларида кўтарилиш кузатилди.
Ўртача таъмирланган уй-жойлар ижараси
Ўртача таъмирланган уй-жойлар сегментидаги барча ҳажмли хонадонлар нархи тушиши кузатилган:
- 1 хонали: $323 (ўтган йилнинг октябрь ойига ($331) нисбатан -2.4%)
- 2 хонали: $393 (ўтган йилнинг октябрь ойига ($414) нисбатан -5.2%)
- 3 хонали: $480 (ўтган йилнинг октябрь ойига ($494) нисбатан -2.9%)
- 4 хонали: $545 (ўтган йилнинг октябрь ойига ($623) нисбатан -12.5%)
Ҳудудлар кесимида
Энг арзон нархлар (АҚШ доллари):
| Туманлар | Сергели | Олмазор |
| 1 хонали | $297 | $288 |
| 2 хонали | $366 | $351 |
| 3 хонали | $415 | $417 |
| 4 хонали | $423 | $488 |
Энг қиммат нархлар (АҚШ доллари):
| Туманлар | Шайхонтоҳур | Яккасарой |
| 1 хонали | $347 | $383 |
| 2 хонали | $462 | $511 |
| 3 хонали | $568 | $646 |
| 4 хонали | $694 | $675 |
Тўлиқ таъмирланган уй-жойлар ижараси
Мазкур даврда тўлиқ таъмирланган хонадонлар учун ижара нархлари ўтган йилнинг октябрь ойига нисбатан қуйидагича ўзгарди:
- 1 хонали: $420 (ўтган йилнинг октябрь ойига ($422) нисбатан -0.6%)
- 2 хонали: $592 (ўтган йилнинг октябрь ойига ($600) нисбатан -1.1%)
- 3 хонали: $857 (ўтган йилнинг октябрь ойига ($834) нисбатан +2.8%)
- 4 хонали: $1160 (ўтган йилнинг октябрь ойига ($1118) нисбатан +3.8%)
Мавзуга доир: Тошкентда уй-жой сотиб олиш учун деярли 15 йил вақт кетади
Ҳудудлар кесимида
Энг арзон нархлар (АҚШ доллари):
| Туманлар | Сергели | Учтепа |
| 1 хонали | $323 | $377 |
| 2 хонали | $417 | $436 |
| 3 хонали | $517 | $560 |
| 4 хонали | $639 | $586 |
Энг қиммат нархлар (АҚШ доллари):
| Туманлар | Миробод | Шайхонтоҳур |
| 1 хонали | $485 | $515 |
| 2 хонали | $746 | $748 |
| 3 хонали | $1051 | $1094 |
| 4 хонали | $1344 | $1462 |
Ижара нархлари olx.uz платформаси орқали олинган очиқ маълумотлар асосида таҳлил қилинган.
