Toshkentda oʻrtacha taʼmirlangan uylar ijarasi arzonlashishda davom etmoqda
Mazkur segmentdagi xonadonlar uchun ijara narxi oktabr oyidan beri sezilarli darajada arzonlagan boʻlsa, toʻliq taʼmirlangan uylar ijarasi qimmatladi.
Ijarada turish uchun Sergeli hozirda ikkala segmentda ham eng arzon tuman boʻlib turibdi. Ushbu hududda ijara narxi taʼmir darajasi va hajmga qarab $297 dan $639 gacha oʻzgaradi.
Makroiqtisodiy va hududiy tadqiqotlar instituti (MHTI) tomonidan joriy yil yanvar oyidagi ijara narxlari tahlili oʻtkazildi.
Poytaxtda oʻrtacha taʼmirlangan xonadonlar ijara narxlari 2024 yilning noyabr oyidan beri arzonlab kelayotgan boʻlsa, toʻliq taʼmirlangan 3 va 4 xonali xonadonlar uchun oʻrtacha ijara narxlarida koʻtarilish kuzatildi.
Oʻrtacha taʼmirlangan uy-joylar ijarasi
Oʻrtacha taʼmirlangan uy-joylar segmentidagi barcha hajmli xonadonlar narxi tushishi kuzatilgan:
- 1 xonali: $323 (oʻtgan yilning oktabr oyiga ($331) nisbatan -2.4%)
- 2 xonali: $393 (oʻtgan yilning oktabr oyiga ($414) nisbatan -5.2%)
- 3 xonali: $480 (oʻtgan yilning oktabr oyiga ($494) nisbatan -2.9%)
- 4 xonali: $545 (oʻtgan yilning oktabr oyiga ($623) nisbatan -12.5%)
Hududlar kesimida
Eng arzon narxlar (AQSh dollari):
| Tumanlar | Sergeli | Olmazor |
| 1 xonali | $297 | $288 |
| 2 xonali | $366 | $351 |
| 3 xonali | $415 | $417 |
| 4 xonali | $423 | $488 |
Eng qimmat narxlar (AQSh dollari):
| Tumanlar | Shayxontohur | Yakkasaroy |
| 1 xonali | $347 | $383 |
| 2 xonali | $462 | $511 |
| 3 xonali | $568 | $646 |
| 4 xonali | $694 | $675 |
Toʻliq taʼmirlangan uy-joylar ijarasi
Mazkur davrda toʻliq taʼmirlangan xonadonlar uchun ijara narxlari oʻtgan yilning oktabr oyiga nisbatan quyidagicha oʻzgardi:
- 1 xonali: $420 (oʻtgan yilning oktabr oyiga ($422) nisbatan -0.6%)
- 2 xonali: $592 (oʻtgan yilning oktabr oyiga ($600) nisbatan -1.1%)
- 3 xonali: $857 (oʻtgan yilning oktabr oyiga ($834) nisbatan +2.8%)
- 4 xonali: $1160 (oʻtgan yilning oktabr oyiga ($1118) nisbatan +3.8%)
Mavzuga doir: Toshkentda uy-joy sotib olish uchun deyarli 15 yil vaqt ketadi
Hududlar kesimida
Eng arzon narxlar (AQSh dollari):
| Tumanlar | Sergeli | Uchtepa |
| 1 xonali | $323 | $377 |
| 2 xonali | $417 | $436 |
| 3 xonali | $517 | $560 |
| 4 xonali | $639 | $586 |
Eng qimmat narxlar (AQSh dollari):
| Tumanlar | Mirobod | Shayxontohur |
| 1 xonali | $485 | $515 |
| 2 xonali | $746 | $748 |
| 3 xonali | $1051 | $1094 |
| 4 xonali | $1344 | $1462 |
Ijara narxlari olx.uz platformasi orqali olingan ochiq maʼlumotlar asosida tahlil qilingan.
