Ўзбекистонда олтин қуймалари нархи бир йил ичида қарийб 38 фоизга ошди

2025 йил 2 октябрь ҳолатига кўра, Ўзбекистонда олтин қуймасининг бир грамми 1 млн 547 минг сўм этиб белгиланди. Шу тариқа, нарх йил бошидан буён 34-марта янги рекорд қайд этди.

5 граммли олтин қуйма 7 млн 737 минг сўмдан сотилмоқда. Қолган ўлчамлардаги қуймалар нархи қуйидагича:

• 5 грамм — 7 млн 737 минг сўм
• 10 грамм — 15 млн 474 минг сўм
• 20 грамм — 30 млн 947 минг сўм
• 50 грамм — 77 млн 368 минг сўм
• 100 грамм — 154 млн 736 минг сўм

Ўтган йилнинг шу даврига нисбатан олтин нархи 37,7% га ошган. Масалан, 2024 йил 2 октябрда 50 граммли олтин қуйма 56,2 млн сўм бўлган. Уни харид қилган шахс бугун уни 77,4 млн сўмга сотиши мумкин. Бир йиллик соф фойда — 21,2 млн сўм.

Жаҳон бозорида ҳам олтин нархи ўсишда давом этмоқда. Ҳозирда қимматбаҳо металл бир унция учун 3 877,50 доллардан савдо қилинмоқда ва 3 900 долларлик тарихий чўққига яқинлашмоқда.