Микрокредитбанк умумий қиймати 2,1 трлн сўмлик оддий акциялар чиқарди
Қимматли қоғозлар 19 май куни давлат рўйхатидан ўтказилди ва ёпиқ обуна шаклида жойлаштирилиши режалаштирилган.
“Микрокредитбанк” аксиядорлик-тижорат банки Кузатув кенгаши қарорига мувофиқ умумий қиймати 2 триллион 75 миллиард сўмга тенг бўлган оддий аксияларни эмиссия қилди. Бу ҳақда Корпоратив маълумотлар ягона порталида эълон қилинди.
Ҳар бир акциянинг номинал қиймати 1068 сўм этиб белгиланган бўлиб, жами 1 миллион 943 минг дона акция чиқарилган.
Қимматли қоғозлар 2025 йил 19 май куни давлат рўйхатидан ўтказилган ва ёпиқ обуна шаклида жойлаштирилиши режалаштирилган.
Эслатиб ўтамиз, аввалроқ Микрокредитбанкнинг 40 фоизлик улуши ва БРБ‘нинг 25 фоиз акциялари Миллий инвестиция жамғармасига ўтказилган эди. 2025 йил 1 май куни ушбу жамғармани бошқариш ҳуқуқи халқаро Franklin Templeton инвестиция гуруҳига топширилди.
Шунингдек, Микрокредитбанк 2025 йилнинг биринчи чорагида 24 миллиард сўм соф фойда қайд этган бўлиб, бу ўтган йилнинг шу даврига нисбатан 277,1 фоизга кўпдир.
