Ilon mask oʻziga tegishli X ijtimoiy tarmogʻini yana bir oʻziga tegishli xAI ga sotganini eʼlon qildi.

Mask X’dagi postida bu qaror xAI’ning ilgʻor sunʼiy intellekt imkoniyatlari va tajribasini X’ning ulkan auditoriyasi bilan birlashtirish orqali ulkan salohiyatni ochib berishini taʼkidladi. Unga koʻra, ushbu kelishuv xAI’ni 80 milliard dollar, X’ni esa 33 milliard dollar qiymatida baholagan.

Mask 2022 yilda Twitter nomi bilan tanilgan platformani 44 milliard dollarga sotib olgan, keyinchalik uning xodimlarini qisqartirgan va kompaniya siyosatini oʻzgartirib, uni X deb qayta nomlagan edi.

Maskning soʻzlariga koʻra, xAI va X’ning kelajagi bir-biriga bogʻliq. U ikki kompaniyaning maʼlumotlar, modellar, hisoblash quvvati, tarqatish va isteʼdodlarini birlashtirish yoʻlida muhim qadam qoʻyilganini aytgan. Unga koʻra, bu qoʻshilish xAI’ning ilgʻor sunʼiy intellekt texnologiyalari va tajribasini X’ning global qamrovi bilan uygʻunlashtirib, ulkan imkoniyatlarni ochib beradi.

Bu oʻzgarish X foydalanuvchilari uchun qanday taʼsir koʻrsatishi hozircha nomaʼlum. Shuni aytish kerakki, xAI allaqachon X foydalanuvchilarining postlaridan oʻz sunʼiy intellekt modellarini oʻqitish uchun foydalanadi, shuningdek, pullik X foydalanuvchilari uning sunʼiy intellekt chatboti Grokʼning premium imkoniyatlariga kirish imkoniyatiga ega.

Avvalroq Telegram’da Ilon Maskga tegishli Grok chat-botidan foydalanish imkoniyati paydo boʻlgani haqida xabar berilgan edi.

Xizmat hozirda Telegram Premium obunachilari uchun bepul taqdim etilgan.

Ilon Mask X ijtimoiy tarmogʻini $33 mlrdga sotdi

X ijtimoiy tarmogʻi oʻzining Grok sunʼiy intelekt chatbotini barcha foydalanuvchilar uchun bepul taqdim etdi