Amerikaning Anthropic kompaniyasi 9 noyabr kuni Claude Fable 5.2 va Claude Mythos 5.2 modellarini taqdim etdi. Ular sentabr oyida chiqarilgan Fable 5.1 va Mythos 5.1 versiyalarining yangilangan shakli hisoblanadi.

Kompaniya maʼlumotlariga koʻra, yangi modellar dasturlash, mantiqiy fikrlash va tasvirlarni tahlil qilishda yaxshilangan natijalarni koʻrsatmoqda. Shuningdek, ular uzoq davom etadigan murakkab vazifalarni mustaqil bajarish va bir nechta sunʼiy intellekt agentlari ishini muvofiqlashtirish imkoniyatiga ega.

Introducing Claude Fable 5.2 and Claude Mythos 5.2, designed to tackle the most daunting technical challenges. They’re capable collaborators on ambitious projects in many fields, and show improvements in areas like coding, reasoning, and vision. https://t.co/jP0AutLxXb
— Claude (@claudeai) November 9, 2026

Yangi modellarning narxi ham pasaytirilgan. Ilgari 1 million kirish tokeni uchun 10 dollar, chiqish tokeni uchun 50 dollar toʻlangan boʻlsa, endilikda bu koʻrsatkichlar mos ravishda 8 va 40 dollarni tashkil etadi. Bu avvalgi narxlarga nisbatan 20 foizga arzon.

Bundan tashqari, kompaniya yangi tezkor rejimni ham taqdim etdi. Ushbu rejimda tokenlarni generatsiya qilish tezligi 2,5 baravargacha oshishi mumkin. Biroq undan foydalanish narxi ikki baravar yuqori — 1 million kirish tokeni uchun 16 dollar va chiqish tokeni uchun 80 dollar.

Anthropic oʻtkazgan sinovlarda Claude Fable 5.2 dasturlash boʻyicha FrontierCode 2.0 testida 49,1 foizlik natija qayd etgan. Bu avvalgi Fable 5.1 modelining 32,4 foizlik koʻrsatkichidan 16,7 foiz punkt yuqori. Taqqoslash uchun, xuddi shu testda OpenAI’ning GPT-6 Astra modeli 42,8 foiz, Google’ning Gemini 4 Carbon modeli esa 41,1 foiz natija koʻrsatgan.

Kompaniya yangi modelning amaliy imkoniyatlarini ham namoyish etgan. Jumladan, Anthropic muhandislaridan biri Fable 5.2’ga noldan operatsion tizim yaratish vazifasini topshirgan. Model sakkiz kun davomida 1 000 dan ortiq sunʼiy intellekt agentlarining ishini muvofiqlashtirib, noutbukda ishga tushadigan operatsion tizim prototipini ishlab chiqqan.

Anthropic maʼlumotiga koʻra, yangi model nazariy fizikadagi qora tuynuklar bilan bogʻliq ikkita ochiq masalani ham yechgan. Bundan tashqari, 1 000 ta agent yordamida Fermaning buyuk teoremasi isbotini kompyuter tekshira oladigan matematik shaklga oʻtkazish uchun 30 soat sarflangan.

Quyida internet foydalanuvchilari ushbu modellar asosida yaratgan bir necha namunalar keltirib oʻtiladi:

Created with Fable 5.2 by an Anthropic engineer. THIS IS AAA-LEVEL STUFF!!!!!!! https://t.co/IXipdplfKR
— Token Gremlin (@TokenGremlin) November 9, 2026

Shu bilan birga, Claude Fable 5.2 va Claude Mythos 5.2 bir xil asosiy modelga tayangan boʻlsa-da, ulardan foydalanish imkoniyatlari farqlanadi.

This is actually INSANE. Fable 5.2 just created this in one shot, and I did it live on stream. I gave Claude one prompt. It wrote code that builds the entire room in Blender: the desk, the MacBook, the light, even Clawd. The laptop screen is a web page Claude built to look like the Claude app, played on the laptop inside the 3D scene. Then it animated everything itself: 13 camera shots, every single key press, Clawd jumping around, and the sun going from golden hour to night to sunrise. It rented 10 GPUs on RunPod and rendered the whole thing in 4K in 52 minutes. Total cost: $5.75. It graded it, added the titles, and made the music and sound effects with ElevenLabs. (More info below)
— Riley Brown (@rileybrown) November 9, 2026

Claude Fable 5.2 keng foydalanuvchilar uchun chiqarilgan. Claude Mythos 5.2 esa kiberxavfsizlik va biotibbiyot tadqiqotlariga moʻljallangan boʻlib, undan faqat Anthropic tekshiruv dasturlaridan oʻtgan tashkilotlar foydalanishi mumkin.

Har ikkala model 1 million tokenli kontekst oynasiga ega. Bu ularga katta hajmdagi hujjatlar, dasturiy kodlar va boshqa maʼlumotlar bilan ishlash imkonini beradi.

Claude Fable 5.2 made this entire video from scratch, writing Python to control Blender 🤯 https://t.co/IbrfGMC9kC
— Alex (@alexmichael) November 9, 2026

Ayni paytda Claude Fable 5.2 Anthropic platformalari, Amazon Web Services, Google Cloud va Microsoft Azure orqali foydalanishga taqdim etilgan.

Yangi modellar Anthropic birlamchi ommaviy aksiyalar taklifiga (IPO) tayyorgarlik koʻrayotgan davrda chiqarildi. Kompaniya 26 oktabr kuni AQSh Qimmatli qogʻozlar va birjalar komissiyasiga (SEC) IPO boʻyicha roʻyxatdan oʻtish hujjatlarini taqdim etgan.

Anthropic yangi Claude modellarini chiqardi: ular nimalarga qodir?