Американинг Anthropic компанияси 9 ноябрь куни Claude Fable 5.2 ва Claude Mythos 5.2 моделларини тақдим этди. Улар сентябрь ойида чиқарилган Fable 5.1 ва Mythos 5.1 версияларининг янгиланган шакли ҳисобланади.

Компания маълумотларига кўра, янги моделлар дастурлаш, мантиқий фикрлаш ва тасвирларни таҳлил қилишда яхшиланган натижаларни кўрсатмоқда. Шунингдек, улар узоқ давом этадиган мураккаб вазифаларни мустақил бажариш ва бир нечта сунъий интеллект агентлари ишини мувофиқлаштириш имкониятига эга.

Introducing Claude Fable 5.2 and Claude Mythos 5.2, designed to tackle the most daunting technical challenges. They’re capable collaborators on ambitious projects in many fields, and show improvements in areas like coding, reasoning, and vision. https://t.co/jP0AutLxXb
— Claude (@claudeai) November 9, 2026

Янги моделларнинг нархи ҳам пасайтирилган. Илгари 1 миллион кириш токени учун 10 доллар, чиқиш токени учун 50 доллар тўланган бўлса, эндиликда бу кўрсаткичлар мос равишда 8 ва 40 долларни ташкил этади. Бу аввалги нархларга нисбатан 20 фоизга арзон.

Бундан ташқари, компания янги тезкор режимни ҳам тақдим этди. Ушбу режимда токенларни генерация қилиш тезлиги 2,5 бараваргача ошиши мумкин. Бироқ ундан фойдаланиш нархи икки баравар юқори — 1 миллион кириш токени учун 16 доллар ва чиқиш токени учун 80 доллар.

Anthropic ўтказган синовларда Claude Fable 5.2 дастурлаш бўйича FrontierCode 2.0 тестида 49,1 фоизлик натижа қайд этган. Бу аввалги Fable 5.1 моделининг 32,4 фоизлик кўрсаткичидан 16,7 фоиз пункт юқори. Таққослаш учун, худди шу тестда OpenAI’нинг GPT-6 Astra модели 42,8 фоиз, Google’нинг Gemini 4 Carbon модели эса 41,1 фоиз натижа кўрсатган.

Компания янги моделнинг амалий имкониятларини ҳам намойиш этган. Жумладан, Anthropic муҳандисларидан бири Fable 5.2’га нолдан операцион тизим яратиш вазифасини топширган. Модель саккиз кун давомида 1 000 дан ортиқ сунъий интеллект агентларининг ишини мувофиқлаштириб, ноутбукда ишга тушадиган операцион тизим прототипини ишлаб чиққан.

Anthropic маълумотига кўра, янги модель назарий физикадаги қора туйнуклар билан боғлиқ иккита очиқ масалани ҳам ечган. Бундан ташқари, 1 000 та агент ёрдамида Ферманинг буюк теоремаси исботини компьютер текшира оладиган математик шаклга ўтказиш учун 30 соат сарфланган.

Қуйида интернет фойдаланувчилари ушбу моделлар асосида яратган бир неча намуналар келтириб ўтилади:

Created with Fable 5.2 by an Anthropic engineer. THIS IS AAA-LEVEL STUFF!!!!!!! https://t.co/IXipdplfKR
— Token Gremlin (@TokenGremlin) November 9, 2026

Шу билан бирга, Claude Fable 5.2 ва Claude Mythos 5.2 бир хил асосий моделга таянган бўлса-да, улардан фойдаланиш имкониятлари фарқланади.

This is actually INSANE. Fable 5.2 just created this in one shot, and I did it live on stream. I gave Claude one prompt. It wrote code that builds the entire room in Blender: the desk, the MacBook, the light, even Clawd. The laptop screen is a web page Claude built to look like the Claude app, played on the laptop inside the 3D scene. Then it animated everything itself: 13 camera shots, every single key press, Clawd jumping around, and the sun going from golden hour to night to sunrise. It rented 10 GPUs on RunPod and rendered the whole thing in 4K in 52 minutes. Total cost: $5.75. It graded it, added the titles, and made the music and sound effects with ElevenLabs. (More info below)
— Riley Brown (@rileybrown) November 9, 2026

Claude Fable 5.2 кенг фойдаланувчилар учун чиқарилган. Claude Mythos 5.2 эса киберхавфсизлик ва биотиббиёт тадқиқотларига мўлжалланган бўлиб, ундан фақат Anthropic текширув дастурларидан ўтган ташкилотлар фойдаланиши мумкин.

Ҳар иккала модель 1 миллион токенли контекст ойнасига эга. Бу уларга катта ҳажмдаги ҳужжатлар, дастурий кодлар ва бошқа маълумотлар билан ишлаш имконини беради.

Claude Fable 5.2 made this entire video from scratch, writing Python to control Blender 🤯 https://t.co/IbrfGMC9kC
— Alex (@alexmichael) November 9, 2026

Айни пайтда Claude Fable 5.2 Anthropic платформалари, Amazon Web Services, Google Cloud ва Microsoft Azure орқали фойдаланишга тақдим этилган.

Янги моделлар Anthropic бирламчи оммавий акциялар таклифига (IPO) тайёргарлик кўраётган даврда чиқарилди. Компания 26 октябрь куни АҚШ Қимматли қоғозлар ва биржалар комиссиясига (SEC) IPO бўйича рўйхатдан ўтиш ҳужжатларини тақдим этган.

Anthropic янги Claude моделларини чиқарди: улар нималарга қодир?