2025 yilning birinchi choragi yakunlariga koʻra Oʻzbekistonda oʻrtacha oylik nominal ish haqi 5 million 796,1 ming soʻmni tashkil etdi. Bu haqda Milliy statistika qoʻmitasi maʼlumotida keltirib oʻtilgan.

Oʻrtacha ish haqi 2024 yilning shu davriga nisbatan 18 foizga, 2021 yilga nisbatan esa 2 barobarga oshgan.

Hudud	Oʻrtacha ish haqi (ming soʻm)	Oʻsish (%)
Toshkent shahri	9 889 100	22,7
Navoiy viloyati	7 330 900	12,6
Toshkent viloyati	5 435 600	14,3
Andijon viloyati	4 874 500	11
Buxoro viloyati	4 763 500	18,5
Qoraqalpogʻiston Respublikasi	4 672 100	15
Sirdaryo viloyati	4 662 300	18,5
Xorazm viloyati	4 580 200	14,3
Jizzax viloyati	4 370 100	17,4
Samarqand viloyati	4 353 100	17,6
Namangan viloyati	4 276 900	16,1
Surxondaryo viloyati	4 209 100	19,1
Fargʻona viloyati	4 203 000	13,7
Qashqadaryo viloyati	4 079 800	13,7

Hududlar kesimida eng yuqori oʻrtacha ish haqi Toshkent shahrida qayd etilgan — 22,7 foizlik oʻsish bilan 9 million 889 ming soʻmni tashkil etdi. Keyingi oʻrinlarni esa Navoiy viloyati (7,3 mln soʻm) va Toshkent viloyati (5,4 mln soʻm) egallagan.

Shu bilan birga, Qashqadaryo (4,1 mln soʻm), Fargʻona (4,2 mln soʻm), Qoraqalpogʻiston Respublikasi (4,6 mln soʻm) hamda yana 8 ta viloyatda oʻrtacha ish haqi respublika darajasidan past boʻlib qolmoqda.

Soha kesimida eng yuqori oʻsish axborot va aloqa sohasida kuzatildi — bu sohada ish haqi 26,8 foizga oshib, 14,81 million soʻmga yetgan. Sanʼat, koʻngilochar va dam olish xizmatlari sohasida esa oʻsish 20,2 foizni tashkil etib, oʻrtacha ish haqi 4,83 million soʻmga yetgan.

Eng yuqori oʻrtacha ish haqi bank va sugʻurta sohasida qayd etilgan — 15,84 million soʻm. Biroq bu sohada oʻsish darajasi 19,8 foiz boʻlgan.

Taʼlim sohasida oʻrtacha ish haqi 4,04 million soʻmni tashkil etib, 17,7 foizga oʻsgan. Tashish va saqlash sohalarida esa bu koʻrsatkich 8,71 million soʻm boʻlib, 16 foizlik oʻsish kuzatilgan.

Eng past oʻrtacha ish haqi sogʻliqni saqlash va ijtimoiy xizmatlar sohasida qayd etilgan — 3,62 million soʻm. Bu sohada oʻsish 11,1 foizni tashkil etgan.

Oʻzbekistonda oʻrtacha oylik ish haqi 5,8 mln soʻmga yetdi