“Infinbank”ning asosiy aksiyadori hisoblangan Farhod Mamajonov havo transporti sohasida faoliyat yurituvchi yangi kompaniya tashkil etdi. Bu haqda bankning affillangan shaxslari roʻyxatiga kiritilgan oʻzgarishlardan maʼlum boʻldi.

Yangi kompaniya “Safo Airlanes” MChJ nomi bilan 7 may kuni davlat roʻyxatidan oʻtkazilgan. Kompaniyaning asosiy faoliyat turi havo transporti sohasidagi yordamchi xizmatlar koʻrsatish etib belgilangan.

Kompaniya ustav kapitalida quyidagi shaxslar ulushga ega:

Farhod Faxritdinovich Mamatdjanov — 60 foiz;
Mixail Alenkin — 30 foiz;
Avazjon Toshpoʻlatov — 10 foiz.

Farhod Mamajonov Infinbank, Uztex Tashkent va Rakat Plaza kabi yirik korxonalar bilan bogʻliq tadbirkor sifatida tilga olinadi.

“Infinbank” rasmiy saytida keltirilgan maʼlumotlarga koʻra, Farhod Mamajonov bankning 43,6 foizlik ulushi bilan asosiy aksiyadori hisoblanadi. Bankning qolgan aksiyalari “Prestij Rielt” MChJga — 24,45 foiz, “Tadbirkorlikni rivojlantirish kompaniyasi” AJga — 22,9 foiz, “Azia Trans Terminal” MChJga — 6,26 foiz va Parviz Abdusamatovga — 2,8 foiz miqdorida tegishli.

Avvalroq “Tadbirkorlikni rivojlantirish kompaniyasi” AJ Infinbank ustav kapitalidagi ulushini 23 foizgacha oshirgani maʼlum qilingandi. 2025 yil 29 dekabr kuni bankning 10 foizdan ortiq ulushga ega aksiyadorlari roʻyxatida oʻzgarishlar qayd etilgan.

Kompaniyaning “Infinbank” ustav kapitaliga kirishi 2025 yil oktabr oyida amalga oshirilgan boʻlib, dastlab 15 foiz aksiya sotib olingan. Keyinchalik ushbu ulush 19 foizgacha oshirilgan. Dekabr oyiga kelib esa kompaniyaning bankdagi ulushi 23 foizga yetdi.

Iqtisodchi Botir Qobilov InFinBank kuzatuv kengashi tarkibiga kirdi

“Infinbank”ning asosiy aksiyadori Farhod Mamajonov yangi aviakompaniya tashkil etdi