Oʻzbekistondagi jami bank kartalari soni 53,5 mln donadan oshdi
Eng koʻp bank kartalari Xalq bankiga tegishli boʻlib, ularning soni mamlakat aholisi sonining 1/3 qismiga teng.
Toʻlov terminallari orqali tushgan tushumlar boʻyicha esa Aloqabank 46,4 trln soʻm bilan yetakchilik qilmoqda.
2025 yil 1 yanvar holatiga koʻra, Oʻzbekistondagi muomaladagi bank kartalari soni 53,51 mlnga yetdi. Bu haqida Markaziy bankning toʻlov tizimlari koʻrsatkichlari haqidagi maʼlumotida keltirib oʻtilgan.
Eng koʻp bank kartalariga ega tijorat banklari:
- Xalq banki – 12 420 738 ta
- Agrobank – 5 384 180 ta
- Ipoteka-bank – 4 661 314 ta
- Milliy bank – 3 918 891 ta
- Ipak Yoʻli banki – 3 041 139 ta
Mamlakat boʻylab jami 426 225 ta toʻlov terminali oʻrnatilgan. Bankomat va infokiosklarning umumiy soni esa 29 909 tani tashkil etadi.
Toʻlov terminallari soni boʻyicha yetakchi banklar:
- Xalq banki – 45 663 ta
- Milliy bank – 40 121 ta
- Agrobank – 36 462 ta
- Hamkorbank – 35 154 ta
- Ipoteka-bank – 34 535 ta
2024 yil yanvar-dekabr oylarida toʻlov terminallari orqali amalga oshirilgan tushumlarning jami miqdori 326,7 trln soʻmni tashkil etdi. Eng katta tushum Aloqabank tomonidan oʻrnatilgan terminallar hissasiga toʻgʻri kelib, 46,4 trln soʻmni tashkil qilgan.
Bankomat va infokiosklar soni boʻyicha yetakchi tashkilotlar:
- Toʻlov tashkilotlari – 13 598 ta
- Xalq banki – 3 075 ta
- Agrobank – 2 153 ta
- Kapitalbank – 1 498 ta
- Ipak Yoʻli banki – 948 ta
Avvalroq 2024 yilda mikromoliya tashkilotlari 1 trln soʻm sof foyda koʻrgani maʼlum qilingan edi.
