Ketma-ket pasayishlardan soʻng dollar rasmiy kursi koʻtarildi
AQSh dollarining oʻzbek soʻmiga nisbatan qiymati 45,26 soʻmga koʻtarilib, 12 456,25 soʻmni tashkil etdi.
Oʻzbekiston Respublikasi Markaziy banki 2025 yil 25 iyundan boshlab kuchga kiradigan xorijiy valyutalarning soʻmga nisbatan yangi rasmiy kurslarini eʼlon qildi.
Unga koʻra, AQSh dollarining kursi 45,26 soʻmga koʻtarilib, 12 456,25 soʻmni tashkil etdi.
Valyuta kurslari quyidagicha belgilandi:
AQSh dollari — 12 456,25 soʻm (+45,26 soʻm)
Yevro — 14 461,71 soʻm (+223,82 soʻm)
Rossiya rubli — 158,36 soʻm (-0,02 soʻm)
Funt sterling — 16 952,96 soʻm (+342,09 soʻm)
Mazkur koʻtarilish dollarning ketma-ket pasayishidan keyin sodir boʻldi. Soʻnggi 30 kun ichida AQSh dollarining soʻmga nisbatan qiymati qariyb 500 soʻmga pasaygan. Jumladan 24 iyun kungi kursga koʻra, dollar kursi soʻnggi 17 oy ichidagi minimium — 12 410,99 soʻmgacha pasaydi. Dollarning bunday qiymati oxirgi marotaba 2024 yil yanvar oyining boshida qayd etilgan edi.
Avvalroq, S&P Global reyting agentligi kelgusi uch yildagi rasmiy kursi boʻyicha prognozlarini taqdim etgan edi.
Unga koʻra dollarning oʻzbek soʻmiga nisbatan qiymati:
2025 yilda — 13,566 soʻm
2026 yilda — 14,244 soʻm
2027 yilda — 14,957 soʻm
2028 yilda — 15,704 soʻm
