42-marotaba rekord: oltin quymalari narxi yana oshdi
15 oktabrdan oltin quymasing bir grammi 1 mln 683 ming soʻmdan belgilandi. Jahon bozorida esa oltin narxi bir unsiya uchun $4 200 ga yaqinlashdi.
Oʻzbekiston va jahon bozorida oltin narxi rekordni yangilashda davom etmoqda.
15 oktabr kuni ertalab jahon kotirovkalarida oltinning bir unsiyasi $4 200 ga yaqinlashdi. Savdo sessiyalarida maksimal narx $4 191.50 gacha koʻtarildi. Xabar tayyorlanayotgan paytda qimmatbaho metall $4 181.80 dan savdo qilinmoqda.
Bir gramm sof oltin narxi esa $134.5 dollarni tashkil qilmoqda.
Oʻzbekistonda oltin narxi
Jahon bozorida oltinning oʻsishi Oʻzbekistonga ham taʼsir qilmoqda. Markaziy bank maʼlumotiga koʻra, 15 oktabrdan oltin quymasing bir grammi 1 mln 683 ming soʻmdan belgilandi.
Narxlar quyidagicha belgilandi:
5 gramm — 8 mln 417 ming soʻm
10 gramm — 16 mln 834 ming soʻm
20 gramm — 33 mln 668 ming soʻm
50 gramm — 84 mln 169 ming soʻm
100 gramm — 168 mln 338 ming soʻm
Yil boshidan beri oltin quymalari 42-marotaba rekord oʻrnatdi.
