Корпоратив молиявий ҳисоботга кўра, Анорбанк 2025 йилнинг биринчи чорагини 117 миллиард сўм соф фойда билан якунлади. Бу кўрсаткич ўтган йилнинг шу давридаги натижаларга нисбатан 958,8 фоизга ёки 10,6 баробарга кўпроқдир.

Банкнинг жами активлари ҳозирда 11,9 триллион сўмни ташкил этмоқда. Бу йил бошидан буён қарийб 1,8 триллион сўмга ўсганини билдиради. Шу билан бирга, Анорбанкнинг мажбуриятлари ҳам ортиб, 10,7 триллион сўмга етган.

Молиявий натижаларга кўра, банк ҳисобот даврида жами 672,5 миллиард сўмлик фоизли даромад олган. Соф фоизли даромад эса 140,2 миллиард сўмни ташкил қилган. Бу ўтган йилнинг мос даврига нисбатан 418,7 миллиард сўмга кўпроқдир.

Бундан ташқари, Анорбанк фоизсиз даромадлари ҳисобидан 166,2 миллиард сўм ишлаб топган. Бу сегментда 15,5 фоизлик ўсиш қайд этилган.

Оператив харажатларга тўхталадиган бўлсак, банк ходимларининг ойлик маошларига 57,4 миллиард сўм сарфлаган. Шунингдек, 13,5 миллиард сўм миқдорида даромад солиғи тўланган.

Анорбанк биринчи чоракдаги соф фойдаси 10 баробардан кўпроққа ортди