2025 йил январь ойида энг кўп солиқ тўлаган корхоналар маълум бўлди
Январда 959 та йирик солиқ тўловчилар томонидан жами 8,5 трлн сўм солиқ тўланди.
TBC Bank биринчи марта энг кўп солиқ тўловчилар қаторига кирди.
Аввалги йилларда етакчи ўринлардан бирини эгаллаган “Ўзмиллийбанк” АЖ ўрнига эса АТ “Алоқабанк” бу рўйхатдан жой эгаллади.
2025 йил январь ойи бўйича энг кўп солиқ тўлаган йирик солиқ тўловчилар рўйхати эълон қилинди. Статистикага кўра, 959 та йирик солиқ тўловчи томонидан жами 8,5 трлн сўм солиқ тўланган бўлиб, ушбу сумманинг 60 фоизи 20 та йирик корхонага тўғри келади.
Рўйхатда TBC Bank ва “Алоқабанк” янги номлар сифатида қайд этилган. Президент томонидан “ёшлар банки” сифатида эълон қилинган “Алоқабанк” 116,5 млрд солиқ тўловлари билан давлат улуши мавжуд корхоналар орасида 9-ўринга жойлашди. TBC Bank эса 37 млрд сўм солиқ тўлаб, топ-10 хусусий йирик солиқ тўловчилар қаторидан жой олди ва 8-ўринни банд қилди.
Шунингдек, аввалги йилларда етакчи ўринлардан бирини эгаллаган “Ўзмиллийбанк” АЖ бу сафар топ-10 рўйхатидан тушиб қолган. Банклар орасида энг юқори солиқ тўловини “Алоқабанк” амалга оширган – 116,5 млрд сўм. Хусусий секторда “Капиталбанк” 48 млрд сўм билан етакчилар қаторида бўлса, ундан бироз орқада “Ҳамкорбанк” 47,6 млрд сўм билан жой олган.
ТОП 10: давлат улуши бор корхоналар:
- “Навоий конь-металлургия комбинати” АЖ — 2,083 трлн сўм билан етакчилик қилган.
- “Олмалиқ конь-металлургия комбинати” АЖ — 639,1 млрд сўм билан 2-ўринда қайд этилган.
- “Ўзкимёсаноат” АЖ – 388 млрд сўм билан 3-ўринни банд қилган.
- “Ўзбекнефтгаз” АЖ – 279,8 млрд сўм билан 5-ўринни эгаллаган.
- “Uzgastrade” АЖ – 218,3 млрд сўм билан 7-ўринга жойлашган.
- “Ўзтрансгаз” АЖ – 111,2 млрд сўм билан рўйхатни якунлаган.
Хусусий сектор корхоналари:
- UzBAT АЖ ҚК – 182 млрд сўм билан 1-ўринда.
- ADM Jizzakh МЧЖ – 62,2 млрд сўм билан 2-ўринда.
- Epsilon Development Company МЧЖ ХК – 50,6 млрд сўм билан 3-ўринда.
- Unitel МЧЖ ҚК (Beeline) – 47,6 млрд сўм билан 6-ўринда.
- Cоcа-Cола Ichimligi Uzbekistan МЧЖ ҚК – 36,7 млрд сўм билан 9-ўринда.
- RWS Optimum МЧЖ ХК – 33,5 млрд сўм билан ТОП-10 рўйхатини якунлаган.
Банклар орасида:
- “Алоқабанк” —116,5 млрд солиқ тўлаган ва соҳада энг юқори кўрсаткични қайд этган.
- “Капиталбанк” — 48 млрд солиқ билан банклар орасида иккинчи, хусусий секторда эса тўртинчи бўлган.
- “Ҳамкорбанк” — 47,6 млрд билан банклар орасида учинчи, хусусий секторда эса бешинчи бўлган.
- TBC Bank — рўйхатга биринчи марта кирди ва 37 млрд билан хусусий сектор ичида тўққизинчи бўлди.
