Ольга Нуманова Apex Bank бошқарув раиси ўринбосари этиб тайинланди

Apex Bank Кузатув кенгашининг 2 декабрдаги йиғилиш баённомасига кўра, Ольга Нуманова банк раисининг биринчи ўринбосари лавозимига тайинланди. Мазкур тайинлов Марказий банк билан келишилганидан сўнг расман кучга киради. Шунингдек, Нуманова банк бошқаруви таркибига аъзо сифатида қабул қилиниши белгиланган.

Ольга Нуманова 1974 йилда туғилган. У 1996 йилда Тошкент молия институтининг “Молия ва кредит” йўналиши бўйича бакалавр, 2004 йилда эса Ўзбекистон Республикаси Банк-молия академиясининг “Банк иши” магистратураси дастурини тамомлаган.

Нуманова банк соҳасидаги меҳнат фаолиятини 1996 йилда бошлаган. 2018 йил июндан 2023 йил декабргача “InFinBank” АЖ бошқарув раисининг биринчи ўринбосари, кейинчалик бошқарув раиси лавозимида ишлаган. 

Жорий йил август ойида эса Президент томонидан “Шуҳрат” медали билан тақдирланган.

Эслатиб ўтамиз, 27 ноябрь куни “InFinBank” АЖ акциядорларининг навбатдан ташқари умумий йиғилиши бўлиб ўтди. 

Йиғилиш қарорига мувофиқ, банкнинг амалдаги бошқарув раиси Ольга Нуманованинг ваколатлари муддатидан олдин — 28 ноябрдан тугатилди. Унинг ўрнига Бахтиёржон Самадович Жураэв 2025 йил 1 декабрдан “InFinBank” АЖ бошқарув раиси лавозимига тайинланди.