Тошкентда уй-жой ижара нархлари қандай ўзгармоқда?
Сергели туманида хонадонлар ижараси энг арзон бўлиб, 1 хонали уй учун нархлар сегментга қараб $297 ва $327 оралиғида ўзгаради.
Энг қиммат ижара нархлари эса Миробод, Шайхонтоҳур ва Яккасарой туманларида кузатилган.
Макроиқтисодий ва ҳудудий тадқиқотлар институти (МҲТИ) томонидан жорий йил март ойидаги ижара нархлари таҳлили ўтказилди.
2025 йилнинг январь-март ойларида пойтахтда 1, 2 ва 3 хонали турар жойларнинг ўртача ижара нархлари ўтган йилнинг мос давридагига нисбатан сезиларли даражада арзонлашган бўлса, 4 хонали уйларники Шайхонтоҳур туманидаги тўлиқ таъмирланган "люкс" тоифадаги уйлар ижараси ҳисобига бироз қимматлашди.
Ўртача таъмирланган уй-жойлар ижараси
Ўртача таъмирланган уй-жойлар сегментидаги барча ҳажмли хонадонлар нархи тушиши кузатилган:
- 1 хонали: $296 (ўтган йилнинг март ойидагига ($356) нисбатан -16.6%)
- 2 хонали: $379 (ўтган йилнинг март ойидагига ($396) нисбатан -4.6%)
- 3 хонали: $454 (ўтган йилнинг март ойидагига ($467) нисбатан -2.9%)
- 4 хонали: $521 (ўтган йилнинг март ойидагига ($538) нисбатан -4.7%)
Ҳудудлар кесимида
Энг арзон нархлар (АҚШ доллари):
| Туманлар | Сергели | Олмазор |
| 1 хонали | $297 | $287 |
| 2 хонали | $373 | $347 |
| 3 хонали | $432 | $408 |
| 4 хонали | $443 | $474 |
Энг қиммат нархлар (АҚШ доллари):
| Туманлар | Шайхонтоҳур | Яккасарой |
| 1 хонали | $345 | $381 |
| 2 хонали | $462 | $528 |
| 3 хонали | $582 | $616 |
| 4 хонали | $617 | $700 |
Тўлиқ таъмирланган уй-жойлар ижараси:
Мазкур даврда тўлиқ таъмирланган хонадонлар бўйича ижара нархлари ўтган йилнинг март ойига нисбатан қуйидагича ўзгарган:
- 1 хонали — $411 (ўтган йил март ойида $472), яъни 13,1% га арзонлашган.
- 2 хонали — $547 (аввал $644), бу 15,0% лик пасайишни ташкил қилади.
- 3 хонали — $728 (ўтган йили $788 бўлган), 8,5% га камайган.
- 4 хонали хонадонлар эса бундан мустасно — уларнинг нархи $957 га етиб, ўтган йилги $909 га нисбатан 3,1% га ошган.
Ҳудудлар кесимида
Энг арзон нархлар (АҚШ доллари):
| Туманлар | Сергели | Учтепа |
| 1 хонали | $327 | $386 |
| 2 хонали | $417 | $450 |
| 3 хонали | $513 | $534 |
| 4 хонали | $641 | $625 |
Энг қиммат нархлар (АҚШ доллари):
| Туманлар | Миробод | Шайхонтоҳур |
| 1 хонали | $484 | $521 |
| 2 хонали | $731 | $732 |
| 3 хонали | $1027 | $1093 |
| 4 хонали | $1328 | $1381 |
Ижара нархлари olx.uz платформаси орқали олинган очиқ маълумотлар асосида таҳлил қилинган.
