Telegram’da kanallarga post joylashni taklif qilish funksiyasi paydo boʻldi

Telegram messenjeri oʻzining navbatdagi yangilanishini taqdim qildi. Yangi versiya oʻz ichiga xabarlarni tartiblash, monetezatsiyaga oid imkoniyatlar va boshqalarni oʻz ichiga oladi.

Tekshiruv roʻyxatlari (Checklists)

Premium foydalanuvchilar endi har qanday suhbatda hamkorlik asosida bajariladigan vazifalar roʻyxatini yaratishlari mumkin — bu orqali jamoa bilan birgalikda vazifalarni kuzatish yoki xarid va vazifalar roʻyxatini boshqarish osonlashadi.

Tekshiruv roʻyxatlarida har bir ishtirokchining huquqlari aniq belgilanadi — kimlar topshiriqni bajardi yoki yangi elementlar qoʻshishi mumkinligini nazorat qilish mumkin.

Tekshiruv roʻyxatini yaratish uchun ilova menyusini ochish va "Checklist" tugmasini bosish kerak. Ularni guruhlarga, yakka suhbatlarga yoki “Saqlangan xabarlar”ga yuborish mumkin.

Kanallarda post taklif qilish (Suggest Posts in Channels)

Endi obunachilar sevimli kanallariga shaffof va avtomatlashtirilgan interfeys orqali kontent taklif qilishi mumkin.

Taklif qilingan postlar kanalga toʻgʻridan-toʻgʻri xabar shaklida yuboriladi — bu fan-art, reklama videolari, mahsulot sharhlari va boshqa materiallar boʻlishi mumkin.

Post uchun aniq sana va vaqtni belgilash yoki "Istalgan vaqtda" tugmasini tanlab, kanal egasining oʻzi qachon eʼlon qilishiga ruxsat berish mumkin.

Post taklif qilish uchun kanalga xabar yuborilayotganda xabar maydonida chiqadigan belgi tugmasini bosish kerak. Bu imkoniyat dastlab faqat Telegram Premium foydalanuvchilari uchun mavjud boʻladi.

Taklif qilingan postlarni moliyalashtirish (Funding Suggested Posts)

Post taklif qilganda, joʻnatuvchi uni kanal egasi joylashtirishi evaziga Telegram Stars yoki Toncoin taklif qilishi mumkin.

Toncoin mablagʻini tezda Telegram hisobga Fragment orqali qoʻshish mumkin — bu orqali katta miqdorda mablagʻ olish osonlashadi.

Taklif qilingan postlar orqali monetizatsiya qilish

Taklif qilingan postlar har qanday oʻlchamdagi kanallarga foydalanuvchi kontentini jalb qilish va hamkorlik marketingida ishtirok etish imkonini beradi.

Bularning barchasi Telegram ilovasi ichida amalga oshiriladi, bu esa ijodkorlarni firibgarliklardan himoya qiladi va ularning shaxsiy hayotini saqlaydi.

Yulduzlar uchinchi tomon provayderlari, masalan, Apple orqali xarid qilinadi va ular xaridorlarga 21 kun ichida pulni qaytarib berishi mumkin — bu esa balansdan Yulduzlar yechib olinishi ehtimolini keltirib chiqaradi.

Taklif qilingan postlar uchun toʻlovlarni Toncoin orqali qabul qilish xavfsizroq, chunki Toncoin toʻlovlarini xaridor qaytarib ololmaydi.

Post uchun taklif olganda uni qabul qilishdan oldin matn va mediaga oʻzgartish kiritish yoki narxni oʻzgartirish uchun tahrirlarni taklif qilish imkoniyati ham mavjud.

Har ikki tomon postni tasdiqlagach, u darhol joylanishi yoki belgilangan vaqtga avtomatik rejalashtirilishi mumkin.