Soliq toʻlovchilar 9 oyda qancha imtiyozlardan foydalangani ochiqlandi

Oʻzbekistonda 2024 yilning yanvar-sentabr oylarida 149 789 ta tashkilot 18,7 trln soʻm miqdorida soliq imtiyozlaridan foydalangan. Bu haqda Soliq qoʻmitasi matbuot xizmati xabar berdi.

Shu bilan birga, 3 032 ta korxona moliyaviy xizmatlar boʻyicha 14,6 trln soʻmlik QQSsiz operatsiyalarni amalga oshirgan.

Bundan tashqari, 7 477 ta korxona 25,5 trln soʻm miqdorida QQS “nol” stavkasini qoʻllagan. 

Soliq turlari kesimida foydalanilgan soliq imtiyozi summalari:

• qoʻshilgan qiymat soligʻi — 8,9 trln soʻm;
• foyda soligʻi — 3,7 trln soʻm;
• yer soligʻi — 2,1 trln soʻm;
• ijtimoiy soliq — 2 trln soʻm;
• jismoniy shaxslardan olinadigan daromad soligʻi — 861,1 mlrd soʻm;
• mol-mulk soligʻi — 814,9 mlrd soʻm;
• aylanmadan olinadigan soliq — 166,2 mlrd soʻm;
• suv resurslaridan foydalanganlik uchun soliq — 20 mlrd soʻm.