30 октябрь, 22:29
Солиқ тўловчилар 9 ойда қанча имтиёзлардан фойдалангани очиқланди
Ўзбекистонда 7 477 та корхона 25,5 трлн сўм миқдорида ҚҚС “нол” ставкасини қўллаган.
Ўзбекистонда 2024 йилнинг январь-сентябрь ойларида 149 789 та ташкилот 18,7 трлн сўм миқдорида солиқ имтиёзларидан фойдаланган. Бу ҳақда Солиқ қўмитаси матбуот хизмати хабар берди.
Шу билан бирга, 3 032 та корхона молиявий хизматлар бўйича 14,6 трлн сўмлик ҚҚСсиз операцияларни амалга оширган.
Бундан ташқари, 7 477 та корхона 25,5 трлн сўм миқдорида ҚҚС “нол” ставкасини қўллаган.
Солиқ турлари кесимида фойдаланилган солиқ имтиёзи суммалари:
- қўшилган қиймат солиғи — 8,9 трлн сўм;
- фойда солиғи — 3,7 трлн сўм;
- ер солиғи — 2,1 трлн сўм;
- ижтимоий солиқ — 2 трлн сўм;
- жисмоний шахслардан олинадиган даромад солиғи — 861,1 млрд сўм;
- мол-мулк солиғи — 814,9 млрд сўм;
- айланмадан олинадиган солиқ — 166,2 млрд сўм;
- сув ресурсларидан фойдаланганлик учун солиқ — 20 млрд сўм.
