Ruslan Xaydarov “Hayot Bank” boshqaruvi raisi oʻrinbosari lavozimidan ozod etildi
U mazkur lavozimda 2023 yil may oyidan buyon ishlab kelayotgan edi.
Xaydarov Ruslan Ubaydullayevich “Hayot Bank” Boshqaruvi raisi oʻrinbosari lavozimidan ozod etildi. Bu haqda bankning tegishli korporativ maʼlumotida keltirilgan.
Maʼlum qilinishicha, 13 may kuni “Hayot Bank” Kuzatuv kengashining yigʻilishi boʻlib oʻtgan. Yigʻilish yakunlariga koʻra, Xaydarov egallab turgan lavozimidan ozod qilingan. Hozircha mazkur lavozimga kim tayinlanishi maʼlum emas.
Ruslan Xaydarov 1991 yilda Jambul shahrida tugʻilgan. Oliy maʼlumotga ega. U 2011 yilda G.V. Plexanov nomidagi Rossiya iqtisodiyot universitetining Toshkent filialini hamda Toshkent davlat iqtisodiyot universitetining “Iqtisodiyot, xalqaro moliya” yoʻnalishini tamomlagan. Bank sohasidagi mehnat faoliyatini 2012 yilda boshlagan.
Xaydarov 2023 yil may oyidan buyon “Hayot Bank” Boshqaruvi raisi oʻrinbosari lavozimida ishlab kelayotgan edi
