Raqobat qoʻmitasi Infinbank, Tenge bank va Davr Bank filiallariga nisbatan jarima qoʻlladi
Raqobat qoʻmitasi tomonidan reklama qonunchiligi buzilgani uchun 17 ta kompaniya jarimaga tortildi. Ular orasida Infinbank, Tenge bank va Davr Bank hududiy filiallari ham bor.
Raqobatni rivojlantirish va isteʼmolchilar huquqlarini himoya qilish qoʻmitasi reklama qonunchiligi talablarini buzganligi sababli 17 ta kompaniyaga nisbatan moliyaviy jarima qoʻlladi.
Qoʻmita va uning hududiy boshqarmalari tomonidan ommaviy axborot vositalari, internet tarmoqlari va tashqi reklama vositalarida eʼlon qilingan reklama materiallari tahlil qilindi.
Oʻrganishlar natijasida bir qator korxonalar tomonidan reklama toʻgʻrisidagi qonunchilik talablari buzilgani aniqlangan.
- Mazkur qonunbuzarliklar quyidagi korxonalarda qayd etildi:
- Qoraqalpogʻiston Respublikasi – Voris Gaz Oil
- Xorazm viloyati – Ostona Asl Baraka
- Buxoro viloyati – Omad Bukhara Majmua
- Navoiy viloyati – Humoyunshox Hotel
- Samarqand viloyati – Nigina Ismatilloyevna
- Surxondaryo viloyati – Davr Bank Termiz shahar bank xizmatlari markazi
- Qashqadaryo viloyati – Infinbank Qashqadaryo filiali va Tenge bank Qarshi BXM
- Jizzax viloyati – Aziz Osmon Servis
- Sirdaryo viloyati – Tire World
- Toshkent viloyati – GGM AND JEM, Idea Concept Group, Moon Travel
- Namangan viloyati – Umra Consalting Xizmati, Al-Safo Tour
Maxsus komissiya tomonidan ushbu korxonalarga nisbatan belgilangan tartibda ish qoʻzgʻatildi. Ishlar koʻrib chiqilgach, ularga moliyaviy jarima qoʻllash va qonunbuzilish holatlarini bartaraf etish boʻyicha qarorlar qabul qilindi.
Bundan tashqari, korxonalarga kelgusida bunday qonunbuzarliklarga yoʻl qoʻymaslik yuzasidan tegishli koʻrsatmalar berildi.
