Raqobat qoʻmitasi bir necha banklar va mikromoliya tashkilotiga nisbatan ish ochdi
Tashkilotlar reklama qonunchiligini buzishgani aytilmoqda.
Raqobatni rivojlantirish va isteʼmolchilar huquqlarini himoya qilish qoʻmitasi tomonidan 2 ta bank va 2 ta mikromoliya tashkilotiga nisbatan ish qoʻzgʻatildi. Bu haqida qoʻmita rasmiy sahifalaridan birida xabar berildi.
Qoʻmita vakolat doirasida ommaviy axborot vositalarida — televideniye, radio, bosma nashrlar, internet va ijtimoiy tarmoqlarda joylashtirilgan reklama axborotlarini tahlil qilish va ularning reklama hamda isteʼmolchilar huquqlarini himoya qilish toʻgʻrisidagi qonun hujjatlariga muvofiqligini tekshirib bormoqda.
Oʻtkazilgan monitoring natijalariga koʻra, “Reklama toʻgʻrisida”gi Qonun talablarini buzish alomatlari aniqlangan. Shu sababli maxsus komissiya tomonidan quyidagi moliya tashkilotlariga nisbatan ish qoʻzgʻatildi:
Banklar: “Tenge Bank” ATB, “Agrobank” ATB
Mikromoliya tashkilotlari: “Ipoteka Xizmati Group” MChJ, “Tasfinance Mikromoliya Tashkiloti” MChJ
Qoʻmita mazkur ishlar belgilangan tartibda koʻrib chiqilishi va natijalar boʻyicha qoʻshimcha maʼlumot taqdim etilishini maʼlum qildi.
