Oʻzbekistonda mikroqarzlar boʻyicha oʻrtacha foiz stavkalari pasayishda davom etmoqda

Markaziy bank anʼanaviy tarzda mikroqarz va avtokreditlarning banklar kesimidagi oʻrtacha foiz stavkalarini eʼlon qildi. Unga koʻra, mikroqarzlar boʻyicha stavka maʼlumot eʼlon qilina boshlagandan beri eng past darajaga tushgan.

Regulyatorga koʻra, 2025 yil 13 oktabr holatida mikroqarzlar boʻyicha oʻrtacha foiz stavkasi 33,6 foizni tashkil etgan. 

Eng yuqori stavkalar Anor bank (41,8%), TBC bank (41,0%), Apex bank (38,3%), va Octobank (37,9%) hissasiga toʻgʻri keldi. Ularning ortidan Ipoteka bank (35,7%), Davr bank (34,8%), Hamkor bank (32,5%) va Madad Invest bank (31,2%) joylashgan.

Eng past stavkalar esa Infinbank (25,6%), Trast bank (25,8%), BRB (26,0%), Aloqa bank (26,1%) va OFB (26,2%) tomonidan taklif qilingan. Shuningdek, Turon bank Kapital bank (26,5%), NBU (26,7%) va MK bank(27,3%) ham nisbatan past foizlarda mikroqarzlar ajratgan.

Bundan tashqari, jismoniy shaxslar uchun ajratilayotgan kreditlar (mikroqarzlarsiz) boʻyicha oʻrtacha stavka 23,6%, yuridik shaxslar uchun esa 22,9% ni tashkil qilmoqda.

Avtokreditlar

13 oktabr holatiga koʻra, avtokreditlar boʻyicha oʻrtacha foiz stavkasi 24,1 foizni tashkil qilmoqda. 

Eng yuqori stavkalar Madad Invest bank (28%), Asia Alliance bank (27,4%), va Trast bank (27,5%) hissasiga toʻgʻri keldi. Eng past stavkalar esa Garant bank (16%), Ipoteka bank (19,9%), va Infinbank (20,2%) tomonidan taklif etilgan.