Oʻzbekistonda bank omonatlarini asosan yoshlar ochmoqda — Markaziy bank
Markaziy bank maʼlumotlariga koʻra, mamlakatdagi 35 tijorat banklaridan 32 tasi omonat xizmatini taklif etmoqda. Omonatchilar asosan yirik banklarda toʻplangan boʻlib, yoshlar faol qatlam sifatida ajralib turibdi.
Bugungi kunda mamlakatdagi 35 ta tijorat banki faoliyat yuritayotgan boʻlib, 32 ta bankda omonat ochish mumkin.
Shuni taʼkidlash joizki, ayrim yangi banklar (UZUM BANK, Octobank va SMART BANK) hali omonatlar turkumini joriy etmagan.
Markaziy bank tomonidan banklarning 186 ta omonat mahsuloti tahlil qilindi.
Omonatchilarning katta qismi yirik banklarda jamlangan:
- Oʻzmilliybank — 1,58 mlndan ortiq omonatchi
- Xalq banki — 1,23 mlnga yaqin
Yosh guruhlari kesimida:
Eng koʻp omonat 16–30 yoshdagilarda (13,3 mln)
Keyingi oʻrinda 31–40 yoshdagilar (12,84 mln)
60 yoshdan yuqorilar ham faol segment hisoblanib, 6,32 mln hisobvaraqqa ega.
Gender boʻyicha taqsimot:
Erkaklar — 22,32 mln omonat (79,17 trln soʻm)
Ayollar — 22,2 mln omonat (60,26 trln soʻm)
Omonatlarning valyuta boʻyicha taqsimoti
Omonatlar asosan soʻmda jamlangan (6,84 mln omonat). Xorijiy valyutadagi jamgʻarmalar quyidagicha:
AQSh dollari — 1,84 mln omonat
Yevro — 67,6 ming omonat
Demak, milliy valyuta ustunlik qilsa-da, aholining dollarga boʻlgan qiziqishi hamon yuqori.
Omonatlarni ochish shakllari
Oflayn format — 84 ta mahsulot
Onlayn format — 33 ta mahsulot
Gibrid (aralash) format — 69 ta mahsulot
Bu holat banklar xizmatlarni tobora raqamlashtirib borayotganini koʻrsatadi.
Foiz stavkalari
Soʻmdagi omonatlar: 21% va undan yuqori stavkali 47 ta mahsulot mavjud. Eng yuqori stavka — 23%.
Xorijiy valyutadagi omonatlar: koʻpchilik qismi 1–5% oraligʻida, maksimal stavka — 8%
Moslashuvchanlik va kapitalizatsiya
Foizlarni kapitalizatsiya qilish imkoniyati 6 ta bankda 8 ta mahsulotda mavjud.
Mablagʻni toʻldirish yoki qisman yechib olish imkoniyati koʻproq milliy valyutadagi omonatlarga xos.
