Oʻzbekiston banklari omonat foiz stavkalarini pasaytirmoqda

Oʻzbekistonning qator banklarida omonat boʻyicha foiz stavkalari 23% dan oshmaydigan qilib pasaytirilmoqda. Bu jarayon Markaziy bank asosiy stavkani 14% ga oshirganidan keyin yuz bermoqda.

Hozircha faqat 6 ta bank foizlarning tushirilishi haqida rasmiy maʼlumot bergan:

Oʻzmilliybank

Mazkur bankda quyidagi oʻzgarishlar boʻladi:

• “Mustaqillik 27”, “Foydali” va “Sarmoya” omonatlari boʻyicha yangi omonat ochish toʻxtatildi.
• “Jozibali” omonati bank ofisida ochilsa – 20%, Milliy ilovasi orqali ochilsa – 21%.

Agrobank

Agrobankning xabar berishicha, 1 apreldan boshlab quyidagi omonatlar boʻyicha foiz stavkalari 21% etib belgilanadi:

• “Sandiq”(amalda 23%)
• “Komfort”(amalda 22%)
• “Progress”(amalda 23%)

TBC Bank

TBC Bank avval 27% boʻlgan maksimal omonat foiz stavkasini 26% ga tushirgan edi. 20 mart kuni esa bank 1 apreldan boshlab foizlar yana pasayishini eʼlon qildi. Yangilangan stavkalarga koʻra:

• Toʻldiriladigan muddatli omonatlar – 18,5% dan 21% gacha (hozirda 23-24%)
• Muddatli omonatlar – 20,5% dan 23% gacha (hozirda 25-26%)

Anorbank

Anorbank ham 1 apreldan boshlab omonat foizlari tushishini tasdiqladi. Yangi tariflarga koʻra:

• “Yuqori Daromad” – 26% → 23% 
• “Koʻrpacha” – 25% → 22% 
• “Tez” (yangi omonat) – 22%
• “Baraka” (yangi omonat) – 21%

Ipotekabank

• “Konstruktor” omonati boʻyicha foiz stavkasi 23,5% dan 22% ga tushiriladi.

Iqtisodchi Otabek Bakirovga koʻra, barcha banklarning bir vaqtning oʻzida foiz stavkalarini pasaytirishi Markaziy bankning topshirigʻi natijasi boʻlishi mumkin:

"Oʻzbekistonda banklar bir vaqtda va sinxron ravishda stavkalarni pasaytirishi odatda faqat maʼmuriy topshiriq yoki bosim natijasida sodir boʻladi. Qizigʻi, Markaziy bank bunday holatga qanday izoh beradi?" – deya taʼkidlagan iqtisodchi.

Markaziy bank hozircha banklardagi bunday sinxron oʻzgarishga rasmiy munosabat bildirgani yoʻq.

Banklardagi yangi shartlar 1 apreldan boshlab amalga kiradi. Ushbu sanadan oldin ochilgan omonatlarga esa yangi shartlar tatbiq etilmaydi.