Dynamic Island, A19 va MagSafe: iPhone 17e qanday yangiliklar bilan chiqadi?
Apple 2026 yil 4 mart kuni yangi byudjet smartfoni — iPhone 17e’ni taqdim etishi kutilmoqda. Qurilma 599 dollar atrofidagi boshlangʻich narx bilan kuchli A19 chipi, 8GB operativ xotira hamda MagSafe qoʻllab-quvvatlovi bilan taqdim etilishi mumkin.
iPhone 17e Apple’ning navbatdagi byudjet segmentidagi smartfoni boʻlishi kutilmoqda. Qurilma joriy 4 mart kuni taqdim etilishi kutilmoqda.
Qurilma boshlangʻich narxi 599 dollar atrofida boʻlishi prognoz qilinmoqda. Shunga qaramay, unda yangi A19 chipi va MagSafe qoʻllab-quvvatlovi kabi muhim yangiliklar boʻlishi kutilmoqda.
Displey
iPhone 17e 6,1 dyuymli Super Retina XDR OLED displey bilan taqdim etilishi mumkin. Yangilanish chastotasi 60Hz boʻlishi kutilmoqda. Ayrim manbalarga koʻra, anʼanaviy “notch” oʻrnini Dynamic Island egallashi mumkin, biroq bu borada maʼlumotlar hali aniq emas. Ekran yorqinligi maksimal 2000 nitgacha yetishi mumkin, bu esa quyoshli sharoitda ham yaxshi koʻrinishni taʼminlaydi.
Ishlash tezligi va protsessor
Qurilma yangi Apple A19 chipi bilan ishlashi kutilmoqda. Ushbu chip 3nm texnologiya asosida ishlab chiqariladi va yuqori samaradorlik hamda energiya tejamkorligini taʼminlaydi. iPhone 17’da A19’ning biroz “qisqartirilgan” versiyasi qoʻllaniladi. Yaʼni standart iPhone 17’ga qaraganda 5 yadroli GPU (bitta yadro kamroq), biroq CPU unumdorligi deyarli bir xil boʻladi.
Operativ xotira 8GB boʻlishi kutilmoqda. Bu esa qurilmada Apple Intelligence funksiyalarini mahalliy (on-device) ishlatish imkonini beradi hamda koʻp vazifali ishlashni yaxshilaydi.
Smartfon 8GB tezkor xotira (RAM) bilan taqdim etilishi kutilmoqda. Bu esa qurilmada Apple Intelligence funksiyalarini mahalliy (on-device) tarzda ishlashiga imkon beradi. Saqlash variantlari 128GB, 256GB va 512GB boʻlishi mumkin. Ayrim manbalarga koʻra, 256GB asosiy modelga aylanishi ehtimoli ham bor.
Kameralar
- Asosiy kamera: f/1.6 diafragmali 48MP keng burchakli sensor, sensor-shift OIS bilan. A19 chipidagi yangilangan tasvirni qayta ishlash tizimi (ICP) surat sifatini yaxshilashi kutilmoqda.
- Old kamera: Yangi kvadrat sensorli 18MP Center Stage kamera (yangi iPhone 17 modellaridek). Bu selfilarda kadrni moslashuvchan tarzda sozlash imkonini beradi.
Batareya va quvvatlash
Batareya sigʻimi taxminan 4005 mAh boʻlishi mumkin. A19 chipining energiya tejamkorligi tufayli avtonom ishlash vaqti biroz yaxshilanishi kutilmoqda.
MagSafe qoʻllab-quvvatlashi yangi qoʻshimcha sifatida paydo boʻlishi mumkin. Bu 20–25W gacha simsiz quvvatlashni, shuningdek USB-C orqali taxminan 20W simli quvvatlashni taʼminlaydi.
iPhone 17e 5G’ni qoʻllab-quvvatlaydi va Apple’ning oʻz ichki ishlab chiqargan C1X modemi bilan jihozlanishi mumkin. Bu avvalgi avlodga nisbatan tezroq va samaraliroq ishlashi kutilmoqda.
Dizayn va ranglar
Dizayn jihatidan qurilma iPhone 15’ga oʻxshash boʻlishi, yumaloq qirralar va ingichkaroq ramkalar bilan taqdim etilishi mumkin. Agar Dynamic Island joriy qilinsa, old panel yanada zamonaviy koʻrinishga ega boʻladi.
Ranglar soddaligicha qolishi kutilmoqda — asosiy variantlar qora va oq, ehtimol yangi lavanda (binafsha) rangi ham qoʻshilishi mumkin.
Qurilma iOS 26 bilan chiqishi va Apple Intellegence’ning ayrim funksiyalarini qoʻllab-quvvatlashi kutilmoqda. Biroq toʻliq AI imkoniyatlari yuqori segment modellariga xos boʻlishi mumkin.
