Doʻstboy Abjalov Poytaxt Bank boshqaruv raisi vazifasini bajaruvchi etib tayinlandi
U bunga qadar bank boshqaruv raisining birinchi oʻrinbosari sifatida ishlab kelayotgan edi.
Poytaxt Bank aksiyadorlarining 17 fevraldagi qaroriga asosan Abjalov Doʻstboy Abdurashidovich ushbu bank boshqaruvi raisi vazifasini bajaruvchi etib tayinlandi. Bu haqda Korporativ axborot yagona portalida eʼlon qiingan maʼlumotda keltirib oʻtilgan.
U 2024 yilning avgust oyidan beri Poytaxtbank boshqaruv raisining birinchi oʻrinbosari sifatida ishlab kelayotgan edi.
Doʻstboy Abjalov 1984 yilda Samarqand viloyati Nurobod tumanida tugʻilgan. 2007 yil Toshkent moliya institutini tamomlagan. U bank sohasida 15 yildan ortiq tajribaga ega mutaxassis hisoblanadi.
Avvalroq, 2024 yil yanvar oyidan boshlab Poytaxt Bank boshqaruv raisi sifatida ishlab kelgan Xasan Raxmatov Asia Alliance Bank kuzatuv kengashi raisi etib saylangan edi.
Poytax Bank mamlakatdagi eng soʻnggi xususiylashtirilgan bank hisoblanadi.
