Dollar kursi 22 oylik minimum darajaga tushdi

Oʻzbekistonda dollar rasmiy kursi soʻnggi yillarda kuzatilmagan past darajaga yetdi.

Markaziy bank maʼlumotlariga koʻra, 18 sentabr kuni amalda boʻladigan AQSh valyutasining soʻmga nisbatan qiymati 30,89 soʻmga pasayib, 12 254,27 soʻmni tashkil etdi.

Bu koʻrsatkich oxirgi 22 oy ichida qayd etilgan eng past daraja boʻlib, dollarning bunday pasayishi soʻnggi marta 2023 yil 6 noyabrda kuzatilgan edi.

Shu tariqa, sentabr oyining oʻzida kurs 228,11 soʻmga, yil boshidan esa 666,21 soʻmga arzonladi.