Dollar kursi 20 oy ichidagi minimumga tushdi
25 avgust kunidan amalga kiradigan dollar kursi 56,70 soʻmga pasayib, 12 357,09 soʻmni tashkil etdi. Soʻnggi marta bunday kurs 2024 yil yanvar oyida qayd etilgan edi.
Oʻzbekistonda dollar kursi sezilarli darajada tushishda davom etmoqda.
25 avgust kunidan amalga kiradigan dollar kursi 56,70 soʻmga pasayib, 12 357,09 soʻmni tashkil etdi. Bu haqda Markaziy bank matbuot xizmati xabar berdi.
Bu koʻrsatkich soʻnggi 20 oy ichidagi eng past daraja hisoblanadi. Soʻnggi marta bunday kurs 2024 yil yanvar oyida qayd etilgan edi.
Soʻnggi ikki kun ichida dollar kursi 100 soʻmdan koʻproq arzonlashdi.
Yil boshidan buyon esa milliy valyuta dollarga nisbatan 4 foizdan koʻproqqa yoki 547 soʻmga mustahkamlandi. Avgust oyi boshidan beri kurs 335 soʻmga pasaygani kuzatilmoqda.
