Botir Zohidov “Mikrokreditbank” ATB kuzatuv kengashi aʼzoligiga saylandi
Bungacha kuzatuv kengashi aʼzosi hisoblangan tashqi mehnat migratsiyasi agentligi rahbari Musayev Behzod Anvarovichning vakolatlari esa muddatidan oldin tugatildi.
Korporativ axborot yagona portalidan maʼlum boʻlishicha, tashqi mehnat migratsiyasi agentligi direktori Musayev Behzod Anvarovichning “Mikrokreditbank” ATB kuzatuv kengashi aʼzoligidagi vakolatlari muddatidan oldin tugatilgan.
Uning oʻrniga Kambagʻallikni qisqartirish va bandlik vaziri lavozimida faoliyat yuritayotgan Zohidov Botir Erkinovich saylandi.
B.Zohidov Markaziy bank bilan kelishilgandan soʻng “Mikrokreditbank” kuzatuv kengashi aʼzosi lavozimiga kirishadi.
Maʼlumot uchun, 2024 yil 23 sentabrda Botir Zohidov kambagʻallikni qisqartirish va bandlik vaziri etib tayinlangan. Mazkur tayinlovga qadar ushbu lavozimda ishlagan Behzod Musayev esa tashqi mehnat migratsiyasi agentligi direktori lavozimiga oʻtkazilgandi.
