Avazov Malik Abduaxatovich Ipak Yuli Bank boshqaruv raisi oʻrinbosari lavozimidan ozod etildi

“Ipak Yoʻli” aksiyadorlik innovatsion tijorat banki (Ipak Yuli Bank) Kuzatuv kengashining 2026 yil 4 martdagi qaroriga koʻra, bank rahbariyatida oʻzgarish yuz berdi. 

Mazkur qarorga muvofiq, Avazov Malik Abduaxatovichning bank Boshqaruv aʼzosi sifatidagi vakolatlari muddatidan oldin tugatildi. Shu munosabat bilan u egallab turgan Boshqaruv raisi oʻrinbosari lavozimidan ozod etildi.

Internetdagi maʼlumotlarga koʻra, Malik Avazov mazkur lavozimda 2019 yildan beri ishlab kelayotgan edi.

Ushbu qaror Kuzatuv kengashining barcha aʼzolari tomonidan bir ovozdan maʼqullangan.

Hozirda bank Boshqaruviga ushbu vakant lavozim uchun yangi nomzod tanlash choralari koʻrilayotgani maʼlum qilingan.