Telegram navbatdagi yangilanishni taqdim etdi
Endilikda messenjerda noyob hadyalarni xarid qilish, bir nechta hikoyalarni birgalikda joylash va kanallardagi xabarlarni avtomatik tarjima imkoniyati mavjud.
Telegram navbatdagi yangilanishini taqdim etdi. Endilikda noyob hadyalarni xarid qilish, bir nechta hikoyalarni birgalikda joylash va kanallardagi avtomatik tarjima imkoniyati mavjud.
Marketpleysda kolleksiyalanadigan hadyalarni sotib olish
Yanvar oyida Telegram kolleksiyalanadigan hadyalarni taqdim etgan edi va ular tez orada katta mashhurlikka erishdi.
Endilikda, yangi yangilanish orqali Telegram foydalanuvchilari Yulduzlar yordamida boshqa foydalanuvchilardan yuzlab noyob hadyalarni xavfsiz va qulay interfeys orqali xarid qilishlari mumkin.
Bu imkoniyat nafaqat kolleksiyani boyitadi, balki mavjud hadyalarni sotish orqali yangi Yulduzlar ishlash imkoniyatini ham yaratadi.
Kolleksiyalanadigan hadyani sotish uchun profilingizni oching, “Sotish” tugmasini bosing va narxni yulduzlarda belgilang. Roʻyxatga olingan hadya marketpleysda koʻrsatiladi va profilingizda “Sotuvda” yorligʻi bilan belgilangan boʻladi. Agar fikringiz oʻzgarsa, “Roʻyxatdan chiqarish” tugmasi orqali hadyani sotuvdan olib tashlashingiz mumkin.
Bir nechta hikoyani birdaniga joylash
Endi Telegram hikoya muharriri yordamida bir nechta surat yoki videoni bir vaqtning oʻzida tanlab, bitta hikoyalar ketma-ketligi sifatida joylashingiz mumkin. Bu sayohat lavhalari, memlar yoki boshqa turdagi hikoyalar yaratishda juda qulay.
Agar yuklanyotgan video 60 soniyadan uzun boʻlsa, Telegram muharriri uni avtomatik tarzda bir nechta lahzaga boʻlib, tartib bilan joylaydi.
Kanallarda avtomatik tarjima
Avval barcha Telegram foydalanuvchilari xabarlarni qoʻlda tarjima qila olishardi, Premium foydalanuvchilarga esa butun suhbatlarni avtomatik tarjima qilish imkoniyati berilgan edi.
Yangi yangilanish orqali kanal egalari endilikda avtomatik tarjimani yoqib, barcha tashrif buyuruvchilarga xabarlarni oʻz afzal tilida koʻrish imkonini yaratishi mumkin. Bu esa ijodkorlarga global auditoriyaga chiqishda katta yordam beradi.
