6 апрель куни E-aukison платформасида Жиззах вилояти Зомин туманидаги Ramada Encore by Wyndham меҳмонхона мажмуаси сотилди.

Аукционда ягона харидор Ref Bridge Invest МЧЖ бўлган. У 324,55 млрд сўм таклиф қилиб ғолиб бўлган.

Қайд этилишича, компания ушбу суммани аллақачон тўлаб бўлган.

Gallery image of Ramada Encore by Wyndham Zomin in Myk

Ягона давлат реестрига кўра, Ref Bridge Invest МЧЖ компанияси жорий йил 2 апрель куни ташкил этилган бўлиб, меҳмонхона фаолияти билан шуғулланади. Компания устав капитали 25 млрд сўм бўлиб, унинг юз фоизига Бобоева Феруза Файзиевна эгалик қилади.

Gallery image of Ramada Encore by Wyndham Zomin in Myk

Шунингдек, у Ref Ropeway Invest МЧЖ компаниясининг ҳам ягона таъсисчиси ҳисобланади. Ушбу компания январь ойида NBU Invest Гроупъдан Зоминдаги канат йўли оператор компаниясини 215 млрд сўмга сотиб олган.

Мажмуа Жиззах вилояти, Зомин тумани, Дуоба ҚФЙ, Арчали қишлоғида жойлашган. Маълумотларга кўра, ушбу бино Туронбанк маблағлари ҳисобига қурилган.

Зоминдаги Ramada Encore by Wyndham меҳмонхонаси 324,5 млрд сўмга сотилди