Ўзбекистон Республикаси Олий Мажлиси Сенати Кенгаши Президент тақдимномасига мувофиқ, Тимур Ишметовни Ўзбекистон Республикаси Марказий банки бошқаруви раиси лавозимига тайинлаш тўғрисида қарор қабул қилди.

Тимур Аминджанович Ишметов 1979 йил Тошкент шаҳрида туғилган. 2000 йилда Тошкент молия институтининг Молия ва кредит факультетини тамомлаган. 2008 йилда Буюк Британиянинг Бирмингем университетининг Халқаро пул ва банк соҳасида магистр даражасини олган. 2005 йилда Тошкент давлат юридик институтини тамомлаган.

Касбий фаолияти:

2000—2001: Марказий банк валюта операциялари бўлими етакчи иқтисодчиси
2001—2004: Валюта айирбошлаш ва ташқи алоқалар бўлими бошлиғи
2004—2009: Халқаро захираларни бошқариш бўлими бошлиғи
2009—2010: Ички бозор операциялари департаменти директори
2010—2017: Валютани тартибга солиш ва назорат қилиш департаменти директори
2017: Давлат инвестиция қўмитаси раиси биринчи ўринбосари
2017—2019: Марказий банк раиси биринчи ўринбосари
2019—2020: Молия вазирининг биринчи ўринбосари
2020—2022: Молия вазири
2022—2024: Президентнинг иқтисодиёт соҳаларини ривожлантириш, инвестиция ва ташқи савдо сиёсати масалалари бўйича маслаҳатчисининг биринчи ўринбосари.

Эслатиб ўтамиз, аввалроқ Мамаризо Нурмуратов Марказий банк бошқаруви раиси лавозимидан озод этилгани маълум қилинган эди.

Тимур Ишметов Марказий банк раиси этиб тайинланди